புவி நாள் இன்று!
வழக்கமான அறிக்கை,
செய்தித்தாள்,
வண்ண விளம்பரம்,
அமைச்சர்,
ஆள்பவர் நிழற்படம்.
'கியோட்டோ மாநாட்டு முடிவுகள்'
என்னவாயிற்று?
புவி சூடேற்றம் குறைந்ததா?
உருகும் பனித்தகடு ஐசுலாந்தில்,
துருவப் பகுதியில்.
கடல் மட்டம் உயருமாம்,
கரைப்பகுதிகள்,
காணாமல் போகுமாம்,
பசுபிக்கடலில்,
தாழ்வான தீவு நாடுகள்,
இல்லாது போகுமாம்.
ஆல்ப் பனிச்சிகரங்கள்,
பாதி உருகி,
ஐரோப்பிய நாடுகள்,
வெள்ளக் காடாகுமாம்.
சிலப்பகுதிகள்,
வறண்டு போகுமாம்.
இமயமலைச் சிகரங்கள்,
உருகிப்போகுமாம்
கங்கை, யமுனை,
வறண்டு போகுமாம்.
வளர்ந்த நாடுகள் பொறுப்பென்ன?
வளரும் நாடுகள் கருத்தென்ன?
No comments:
Post a Comment