குப்பைத் தொட்டி ஆக்கினாய்
பூவுலகை!
போதாது என்று
வெப்பம் சேர்த்தாய்!
வேகமாய்!
உலகைக் கெடுத்தது
போதாது என்று !
வெளியைக் கெடுத்து
வருகிறாய்!
யாருக்கும் தெரியாமல்!
ஊருக்கும் புரியாமல்!
உளவுக்காக விண்ணில்!
எண்ணிலா
செயற்கை கோள்கள்!
அடுத்த நாட்டின்
அந்தரங்கத்தை
அரவமின்றி
ஆயும் உணர்ச்சி!
காணும் கிளர்ச்சி!
குட்டு பட்டு விட்டால்!
குண்டு விட்டு!
கண்டம் பாய்ந்து !
தீக்கிரையாக்கும் வித்தை!
விண்வெளியைப் பாழ்படுத்தும்
தன்னதிகார வெறி !
அறிவியல் முதிர்ச்சி!
ஆராவரம்!
தொழில்நுட்பம்!
மண்பதை மாசு முடிந்தது!
விண்பதை மாசு ஆரம்பம்!
எதிலும் குப்பை சேர்க்கும்!
எம் திறமை!
வெளியிலும்!
கொடியேற்றம்!
No comments:
Post a Comment