Monday, March 29, 2010

பி.டி. கத்தரி!

ஏதோ செய்கிறார் ஓரமாக
எங்கேயோ செய்கிறார் பாரமாக
பாமரர் அறிந்திலார்
பாழும் கத்தரியின்
வாழ்நாள் குறை!

வேளாண்மை மக்களுக்கு
விவரம் சேர்க்க
விரிவான, செறிவான இயக்கம்
தேவை!

பேருக்கு செய்வது!
பெருமைக்கு சேர்வது!
செய்திக்கு முனைவது!
செறிவானதன்றோ!

வருமானம் ஆகும்
உன் பாடு!
செரிமானம் ஆகாத
செயல்பாடு!

சலிப்பு

கிறீச்சிடும் ஒலிகள்
ஓயாது இரைந்திடும் ஒலிப்பான்கள்
உண்டாக்கும் சலிப்புகள்

சப்தத்தின் உள் கரைந்திடும்
குழந்தைகள் விளையாட்டு ஒலிகள்

இரைச்சல்,கரைச்சல்,கும்மாளம்.குதூகலம்
யாவும்,

சலிப்புகளுக்கு
காகங்களும் விலக்கல்ல-

எஞ்சிய மரங்களில்
துஞ்சிய உயிர்கள்-

வாடகைக் காரனின் குடியிருப்பு போல்
எப்போது காலியாகுமோ

பதட்டத்தில்
காலங்கள் கழியும்
நிம்மதியின்றி

Friday, March 19, 2010

முறிக்கும்!

இதிகாசங்கள் காட்டும் வெளிச்சமும்
இங்கே!
பரிகாசங்கள்

உணர்த்திய முடிவும்
உணர்ச்சியின் வடிவாய்
இங்கே!

வில்லின் மேன்மை
விழாக் கோலம்
ஆண்டும்!

சொல்லின் கேண்மை
சோதனையாய்
சோம்பல் முறிக்கும்!