Thursday, July 14, 2011

"அண்ணா நிலை"

ஊழல் ஒழிக்க ஊர்வலம்
உண்ணா நிலை
"அண்ணா நிலை"

அதிசயம்
அரசாங்க அழைப்பு
ஆலோசனைக் குழு
அமைப்பு

சட்டவரைவு
திட்டம் விரைவு
சாதனைப் பட்டியல் நீளும்
வேதனைப் பட்டியல்
விலைவாசியைப்போல்

அன்றாடப் பிரச்சனை
அவசியம் என்றாகி
பழகிய மக்களுக்கு
பஞ்சு மிட்டாய் வண்ணத்தில்
வகையாக அளித்திடும் திட்டம்

ஊழல், கறுப்புப் பணம்,
வெள்ளைப் பணமே!
வெறும் வாய் மெல்லும்.

மக்கள் கருத்த மேனியாய்
சுட்டெரிக்கும் கோடையாய்
சுருண்டு வாழும்
வெளி அக்கினியில்
வேக்காட்டில்
சாக்காடு

அன்றாடம்சரிந்த வாழ்க்கையில்
சப்பைக் கட்டும்
நிவாரண அரசியல்
நீளும் பட்டியல்

நிர்வாணம் மட்டுமே
உரிமையாக, கடமையாக,
ஊழல், ஊதல்,
கறுப்பு,செருப்பு

யதார்த்தம் விலக்கி
எக்கிடும் காட்சிகள்
கட்சிகள்

பதார்த்த விலை குறைத்திட
பக்குவம் இல்லை
ஏறும் விலை வாசி
எங்கும் நிலவும் யோசி

வாதத் திறமை
வழக்கறிஞர் வாழ்வியல்
அரசியல் அரங்கில் ஆனந்தம்
அன்றாடம்

வாதத் திறமை
வாய் பிளந்து மெச்சிடும்
'மெய்ஞான ஊட்டம்'

No comments: