வாதம்!

சமூகமே வாத நோயால் பாதிக்கப்பட்டுள்ளதோ! தனி மனித உடல்/உயிர் நாடிகளில் வாத நொடி மிகுந்தால் நோயாக அறியப்படுகிறது.சமூகத்தின் உடலில்/உயிர் நாடியில் ஒன்றல்ல, ஓராயிரம் வாதங்கள் மேலோங்கி நிற்கிறது. சாதி வாதம், சமயவாதம்; கட்சி வாதம்; பிராந்திய வாதம் எனப் பலப் பல.அண்மையில், ஆண்டையின் கண்டுபிடிப்பு-பயங்கரவாதம்.இதற்கு அருமருந்து தருவார் யார்? எவ்வகை மருத்துவம் பயனளிக்கும்/ விடை காண தெரியாத மக்களிடையே, விடையறிந்தவர் உள்ளார்! அவர்தான் வலதுசாரி தேசியவாதம்.

'அமைதி காத்திடுங்கள்', 'அடங்கிப் போங்கள் , 'வீட்டிற்குத்திரும்புங்கள்', 'சுத்தமாக இருங்கள்',' அனைவரையும் உள்ளடக்கிய வளர்ச்சி',' அதிர்ச்சி அடையாதீர்கள்', 'புனல் மின்சாரம்', 'அனல் மின்சாரம், 'அணு மின்சாரம்' ஆகியவை உங்கள் நலனுக்காக, புலம்பித் திரியாதீர்கள், 'கார்ப்பரேட்டு நிறுவனங்கள்' உண்டு, கலங்கி நிற்காதீர்கள். 'பாக்கெட் உணவு உண்டு', சமைத்து துன்பப் படாதீர்கள்.