சூழல்

" செர்ரி"

காய்த்தாய் அன்று.
கண்டேன் காட்சி: காணொலி.

அடர்ந்த கிளைகளில் அட்டி,
அட்டியாக,
ரொட்டியில் தடம் பதிக்க,
சிவந்தாய், கனிந்தாய்
உருட்சி திரட்சியாக.

வருகிறோம் உம்மையும் காண,
பறந்தோடி வந்தோம்.
ஏமாற்றாமல்.

உன் நிறத்திற்கு வெளிர் நிறத்தில்
இதயம் திறந்தது,
உன் ஏமாற்றம் தவிர்த்திட
தரையில் படர்ந்து,
தளிகர்களின் இடையில்,

ஒன்றிரண்டு என ஒய்யாரமாக,
எடுத்துக் கொள்ளுங்கள்,
பறித்துத் தின்னுங்கள்,

கடைக்குச் செல்ல வேண்டாம் என,
பரிசில் வழங்கிய
'ஸ்ட்ராபெர்ரி'.

இதமான, இனிப்பும், புளிப்பும் கலந்த,
புதுமை சுவை,
நலம் பேணும் நிலை
நாளெல்லாம்,

விருந்தினை ஓம்பி, ஓங்கிய அன்பு
தழைத்திட,
நாள்தோறும் பராமரிப்பு,
நீர் பாய்ச்சி
நானும், அவளும்
நடை பயின்றோம்,
 "புளுவா"வில்

(பிரான்சு, சுற்றுச் செலவில், புளுவா ஊரில், பாரிசில் இருந்து 204 மைல்கள் தொலைவில், தங்கி அனுபவித்த சுற்றுச் சூழல்)