உலகம் இல்லை!

நியாயம் கேட்கும் உலகம் இல்லை 

நியாயப் படுத்தும் உலகம் 

பகை நீக்கும் உலகம் இல்லை 

புகை மூட்டும் உலகம் 

வலி தீர்க்கும் உலகம் இல்லை 

கிலி சேர்க்கும் உலகம் 

சினம் தணிக்கும் உலகம் இல்லை 

சீற்றம் கூட்டும் உலகம் 

உபரி

 

ஒரு பழம் கூட இல்ல 

உறு பசி தீரவில்லை

பல நாட்கள் 

பட்டினியில்

சாக்கு மூட்டை 

பிதுங்கும் சரக்கு 

விழாவிற்கு விருந்தாகி 

"மீண்ட சொர்க்கம்"

புழுங்கியது உள்வாங்கி 

ஒவ்வொன்றாய் 

தீனி ப் பை தாண்டி

கோணிப்பைக்குள்

எருவாய் 

மறு நாள் 

சேகரிப்பில்

மரியாதை

 

கேட்டு வாங்கு

மரியாதை 

போட்டு வாங்கு

வரி

நீட்டி  முழக். கு 

வாட்டி வதை

வம்பு அள 

வணிகம் பல 

வெடிப்பர்

 

நடிப்பவர் உலகம்

இது

படிப்பவர் உலகம் 

அன்று 

துடிப்பவர் உண்மை 

உணர்ந்து

வெடிப்பர் 

குறையில்லை

 

வருவார் என்றேன் 

வரவில்லை

வாரார் என்றேன் 

வந்தார் 

தருவார் என்றேன்

தரவில்லை 

வருகையும்

இன் மையும் 

குறையில்லை

தெரிவு

 

அப்படி பேசியது தவறு 

இப்படி பேசியது உறவு 

எப்படி பேசுவது 

அறிவு 

என்றறிவது 

தெரிவு

நானே தான்

 

என்ன சொன்னாலும்

நான்

நானே தான் 

மாற்றம் எனக்கில்லை

ஏமாற்றம் உன் 

எல்லை 

எனக்கு அதில் பஞ்சம்

இல்லை

இல்லை

 

கவலை இல்லை 

க வடு இல்லை 

சுவடு தொல்லை

முகடு எல்லை 

முடிவும் இல்லை 

பாடு

 

இப்படியாக ஒரு பொழுது உதிர்த்தது.     தன் நிலை தள்ளாட ,   உள் ஓட்டத்தில், உணர்வூட்டத்தில்.

தடுமாறு 

தடம் மாறு

தகராறு

தனி ஆறு 

தம்மின் 

வரலாறு 

இடம் தேடு 

இல்லம் கூடு

இன்பம் நாடு

வரும் பாடு 

மடம் கேடு

மானிடம் வீடு 

மக்களைப் பாடு

நர வேட்டை

பொய்யில் புரளும் உலகம் 

தனி ஆள் ஆயினும்

தலைவன் ஆயினும் 

ஏராளம் 

எகத்தாளம்

எதையும் 

நியாயப்படுத்தும்

நம்பிக்கையை 

நக்கல் செய்யும் 

நாகரிக சமூகத்தை 

வெட்கப் பட வைக்கும்

வேட்டை 

நர வேட்டையாடும் 

பணப் பெட்டி

பத்திரம் கட்டி

பாத்திரம் மாற்றி

நாணய அரசியல்

 மக்களைப் பிரிக்கும்

நாடுகளை ப்பிளக்கும்

நாசங்கள் விளைவிக்கும்

நாணய அரசியல் 

ஒற்றைப் புள்ளி 

மையம்

நூற்றாண்டை 

கடக்கும்

விற்றாலும்

பெற்றாலும்

எம் பணமே 

இருப்பில் 

எம்மிடம் 

சந்தைப் பங்கில்

பத்திரங்களில் 

பதுங்கி

பாயும்

பரவலாக மேயும் 

மேட்டுக்குடி

தரித்த 

புது அவதாரம் 

பூவுலகை 

வேட்டையாடும்

பல பரிமாணங்களில்

நிதி மூலம்!

 

பெரு வணிக ப் பசியில் 

அமுத சுரபியும் செயல்

இழக்கும்

எல்லைகள் இல்லை 

போரும் பெருந் தீனியாக 

கண்டங்கள் தாண்டும்

கண்டனங்கள் 

பின் வாங்கும்

கொடையாளி கையில் 

கொலை வாள் 

நீளும் நாக்கு 

நிலம் நடுங்கும்

வளம் ஒடுங்கும் 

பெரும்பான்மை

மக்கள் திரள் 

பிளவு அரசியலில்

சார்பாய் முழங்கும் 

நிதி மூல தனத்தில்

முடங்கிடும் அடங்கிடும் 

சுய நல வெறியில்

சூம்பிடும் 

சிறை

 

கூண்டுக்குள் சிலை

கிளி போல

உரிமைக் குரல் 

ஓங்கிய விரல்

ஒடுங்கிய நிரல்

ஓராயிரம் ஆண்டு 

கதை சொல்லும் 

நம்பிக்கை

 

எல்லாருக்கும் சொன்னேன்

நம்பிக்கை

என்னை மறந்தேன்

உறவுக்கும், கரவுக் கும்

வித்தியாசம் பாராது

உரிமையுணர்வுடன் 

உற்சாகம் சேர்த்தேன்

இடம் இல்லை ஆயினும் 

கடன் இது என்றெண்ணி 

பயணம் ஆனேன்

நேர்மறை அக்கறை அடுத்தடுத்து

அணி சேர்க்க

நேரிய மனம் நினைவில்

நலம் சேர்த்திட 

நீளும் கரம் நேசம் வளர்த்திட 

நெடுநாள் பகை ஒதுக்கி 

" நீட்டு "

 

காலி செய்யும் மாணவர்களை 

போட்டு

" கோச்சிங்" வியாபாரம்

கோலோச்சும்

தடுக்கி விழுந்தால் 

தனிப்பாடம்

வண்ணப் பெயர்ப் பலகை

அணிவகுப்பில்

அங்கி அணிந்த மங்கையர்

வரவேற்பில்

ஆங்கில உச்சாடனத்தில்

ஆளைக் கவரும்

உடனடிக் கடன் வசதி தரும்

அசதி சேர்க்கும் ஆட்டம் 

கல்வி கடைச் சரக்காய் 

கடைந்தெடுக்கும் அதிகாரம் 

உடைந்த வாழ்க்கை

உருத்தெரிய உயர்வு

உருக்குலையும்  மாணவம் 

உயிரிழக்கும் அழுத்தம் கூடி

ஆண்டுதோறும் மாண்டு போகும்

ஆருயிர் ச் செல்வங்கள்

அசையாத ஆர்ப்பரிப்பில் 

ஆளும் வர்க்கம்

பெரு வணிக ப் பசி தீரா 

பட்டியிலிடும் சாதனை 

பரவிடும் வேதனை 

காலம்(ன்)

 

எட்டடி உரிமை என்றார் 

அந்தக் காலம்

எடுத்த அடியும் உரிமை இல்லை 

இந்தக் காலம்

வழி தேடி 

குழி தோண்டுவார் 

அந்தக் காலம் 

வண்டி, வண்டியா விறகு

அடுக்குவார் 

அந்தக் காலம் 

படி சாம்பல் இல்லை

பிடி சாம்பல் இதோ 

இந்தக் காலம் 

முகம்

 

நகை முகம் 

இழந்த 

பகை முகம் 

தலை முகம்

தாழ் முகம் 

தரணியெங்கும்

பரணி ஒலிக்கும் 

பாழ் முகம் 

தாய்" மை"

 ஓர்  உண்மைச் சம்பவம். குடும்ப அமைப்பில் நிகழ்ந்த துயரம்.உள்ளூற  குமைந்து உண்டான வலி.

இறக்கி வைத்தது இப்படி....

காலை திருகினாய்

காது போல்

கிள்ளினாய் கிள்ளை யை 

சல்லை கொண்டு இழுத்தாய்

கையை 

இறக்கினாய் மூட்டை 

மலைவாசன் மகிமைப் 

பயணம்

மண் வாசம் கூட 

மறந்து போக

பெண் வாசப் பெருமை

 பெயர்ந்து போக

"மை " செருக்கு 

ஆளுமை !

முக்கல்

நோட்டு கொடுத்தார்

நோட்டம் பார்த்தார்

ஓட்டு கேட்டார்

உட்கார்ந்தார்

அடுத்தடுத்து

ஆட்டம் வைத்தார்

ஆடிப்போன மக்கள்

ஆயிரத்தில் சிக்கல்

ஐந்தாண்டு முக்கல் 

நான்

 

தெரிந்தது போல்

தெரியாத நான்

அறிந்தது போல்

அறியாத நான்

இழந்தது போல் 

இழக்காத நான்

இடிந்தது போல்

இடியாத நான்

விடிந்தது போல்

விடியாத நான்

முடிந்தது போல்

முடியாத நான்

கண்டேன் !

 

கண்களின் ஏக்கம்

ஏக்கத்தின் வீக்கம் 

எட்டிய வாழ்க்கை

கிட்டிய விருந்து 

தட்டிய கோணல் 

தளர்ந்த நாணல்

தீது

 

என்ன செய்தேன் ? 

என்ன அளித்தேன் ?

காலம் கடந்து 

கணக்கு 

மதிப்பெண் போடுவார்

உறவில் 

உரிமையில் 

ஒன்றிய கடமையில்

கணிப்பு ஏது?

பண்ட மதிப்பு 

தீது 

எவருக்கு?

 தட்டாதே 

குதிக்காதே !

சத்தமிடாதே !

சந்தடி கூடாதே !

வந்த அடி 

தேயாதே !

நடுத்தர வயது

பெண்மணி 

கண்மணிகள் 

விளையாட்டு 

சகியாமல் 

நடுத்தள நாயகி 

நர்த்தனம்

உல்லாச விடுதி

 ஓய்வில்

வண்ணம் காரணமா?

எண்ணம் காரணமா?

இயற்கைச் சூழலில் 

கரைந்திட 

கலந்திட 

எவருக்கு

உரிமை .....?

நகைத்தார்

 

மாற்றம் என்றார் 

எவருக்கு என்றேன் ?

அரசியலில் என்றார் 

ஏமாற்றம் தான் 

அவர் மாற்றமா? 

என்றேன்

நகை த்தார் 

நளினமாய் !

நெறி

 

தினம் கூடிடும் 

நில வெறி 

நிற வெறி

இன வெறி 

மொழி வெறி 

ஆதிக்க வெறி 

ஆயுத வெறி 

அனைத்தும் 

அழிக்கும்

அகிம்சை நெறி 

தொடுவதில்லை

தனியார்  கல்வி நிறுவனங்களில், பள்ளிக்கூடம் தொடங்கி கல்லூரி வரை ஆசிரியப் பணியில், அலுவல் பணியில் சேர்ந்திடும் ஊழியர்கள் பணிநிலைமைகள் குறித்து பெறப்படும் தகவல்கள் நிறைவளிப்பதாக இல்லை.

குறிப்பாக,பெண் ஊழியர்/ஆசிரியர்களின் நிலை மோசமாக உள்ளது.நாள்தோறும் பாலியல் கொடுமைகள்,தொல்லைகளுக்கு உள்ளாகும் ஆசிரியைகள் பலர் தம் இன்னல்களை வெளிப்படுத்த முடியாத அவலம்.

அப்படியே, சில சந்தர்ப்பங்களில், சகிக்க முடியாமல் வெளிப்படுத்திடும் சம்பவங்கள் புகார் அளவில் காவல் நிலையத்தின் இரும்புக் கதவைக் கூட  தொடுவதில்லை.

ஏற்று

உடற்கட்டு 

மறந்த
மடற்கட்டு 
சரிக்கட்டு
கலை 

தேர்
நெறி

 கெட்டு
இடர்  கட்டு

துயர்

கூ ட்டு

அயர்வு 

ஏற்று

சுழி

 

ஆயுத வெறி

எம் அரசியல் நெறி

ஆயிரம் அழி

அடுத்தவர் மேல் 

பழி 

ஆயுள் வழி

அதுவே உம் சுழி

விலகி...

 

அதி அறிவு

மிகை உனா 

செரிப் பு  கெஞ்சும்

விலகி நில் 

விளக்கம் முள் 

வெள்ளைக் கொடி

 

பயணம் தொடர்கிறது. பரிவுடை உள்ளம் ஓய்வு கொள்ள பயணமே இடைத் தங்கல்.

கால வெளியில் கனிவுடன் கடமை. சுமை என்பது ஏதுமில்லை. சுகமே யாவும்.இன்றே எதார்த்தம். நாளை என்பது இன்றைய தொடர்ச்சி யே.

ஒரே சூழலில், முடக்கம் , இயக்கம் அன்று .

 கரையும் கால வெளியில் சகிப்புடன் கலந்து, அன்பெனும் போரில் உள்ளங்களை வென்று அமைதியை நிலை நிறுத்துவோம். 

வெள்ளை க் கொடி வேதனை தீர்க்கும் கொடி, வெறுப்பின் வேர் அறுக்கும் வெடி.

உலகம் முழுவதும் அமைதிக்கு அல்லாடும் கொடுமை, சொல்லி மாளா து.

வெள்ளைக் கொடி  ஏந் தும் காலம் இது. உலகெங்கும்  சகிப்பின்மை, வெறுப்பு, வன்முறை, பரவலாகி மனித உயிர்கள் கொத்து, கொத்தாய் சாய்கின்றன.

அமைதி வேண்டும் காலம் இது. அன்பு, அறம் தழைக்க, அனைவரும் ஒருங்கிணைந்து வெள்ளைக் கொடி உயர்த்தி உலகை காக்க வேண்டும்.