தீது

 

என்ன செய்தேன் ? 

என்ன அளித்தேன் ?

காலம் கடந்து 

கணக்கு 

மதிப்பெண் போடுவார்

உறவில் 

உரிமையில் 

ஒன்றிய கடமையில்

கணிப்பு ஏது?

பண்ட மதிப்பு 

தீது 

எவருக்கு?

 தட்டாதே 

குதிக்காதே !

சத்தமிடாதே !

சந்தடி கூடாதே !

வந்த அடி 

தேயாதே !

நடுத்தர வயது

பெண்மணி 

கண்மணிகள் 

விளையாட்டு 

சகியாமல் 

நடுத்தள நாயகி 

நர்த்தனம்

உல்லாச விடுதி

 ஓய்வில்

வண்ணம் காரணமா?

எண்ணம் காரணமா?

இயற்கைச் சூழலில் 

கரைந்திட 

கலந்திட 

எவருக்கு

உரிமை .....?

நகைத்தார்

 

மாற்றம் என்றார் 

எவருக்கு என்றேன் ?

அரசியலில் என்றார் 

ஏமாற்றம் தான் 

அவர் மாற்றமா? 

என்றேன்

நகை த்தார் 

நளினமாய் !

நெறி

 

தினம் கூடிடும் 

நில வெறி 

நிற வெறி

இன வெறி 

மொழி வெறி 

ஆதிக்க வெறி 

ஆயுத வெறி 

அனைத்தும் 

அழிக்கும்

அகிம்சை நெறி 

தொடுவதில்லை

தனியார்  கல்வி நிறுவனங்களில், பள்ளிக்கூடம் தொடங்கி கல்லூரி வரை ஆசிரியப் பணியில், அலுவல் பணியில் சேர்ந்திடும் ஊழியர்கள் பணிநிலைமைகள் குறித்து பெறப்படும் தகவல்கள் நிறைவளிப்பதாக இல்லை.

குறிப்பாக,பெண் ஊழியர்/ஆசிரியர்களின் நிலை மோசமாக உள்ளது.நாள்தோறும் பாலியல் கொடுமைகள்,தொல்லைகளுக்கு உள்ளாகும் ஆசிரியைகள் பலர் தம் இன்னல்களை வெளிப்படுத்த முடியாத அவலம்.

அப்படியே, சில சந்தர்ப்பங்களில், சகிக்க முடியாமல் வெளிப்படுத்திடும் சம்பவங்கள் புகார் அளவில் காவல் நிலையத்தின் இரும்புக் கதவைக் கூட  தொடுவதில்லை.

ஏற்று

உடற்கட்டு 

மறந்த
மடற்கட்டு 
சரிக்கட்டு
கலை 

தேர்
நெறி

 கெட்டு
இடர்  கட்டு

துயர்

கூ ட்டு

அயர்வு 

ஏற்று

சுழி

 

ஆயுத வெறி

எம் அரசியல் நெறி

ஆயிரம் அழி

அடுத்தவர் மேல் 

பழி 

ஆயுள் வழி

அதுவே உம் சுழி

விலகி...

 

அதி அறிவு

மிகை உனா 

செரிப் பு  கெஞ்சும்

விலகி நில் 

விளக்கம் முள் 

வெள்ளைக் கொடி

 

பயணம் தொடர்கிறது. பரிவுடை உள்ளம் ஓய்வு கொள்ள பயணமே இடைத் தங்கல்.

கால வெளியில் கனிவுடன் கடமை. சுமை என்பது ஏதுமில்லை. சுகமே யாவும்.இன்றே எதார்த்தம். நாளை என்பது இன்றைய தொடர்ச்சி யே.

ஒரே சூழலில், முடக்கம் , இயக்கம் அன்று .

 கரையும் கால வெளியில் சகிப்புடன் கலந்து, அன்பெனும் போரில் உள்ளங்களை வென்று அமைதியை நிலை நிறுத்துவோம். 

வெள்ளை க் கொடி வேதனை தீர்க்கும் கொடி, வெறுப்பின் வேர் அறுக்கும் வெடி.

உலகம் முழுவதும் அமைதிக்கு அல்லாடும் கொடுமை, சொல்லி மாளா து.

வெள்ளைக் கொடி  ஏந் தும் காலம் இது. உலகெங்கும்  சகிப்பின்மை, வெறுப்பு, வன்முறை, பரவலாகி மனித உயிர்கள் கொத்து, கொத்தாய் சாய்கின்றன.

அமைதி வேண்டும் காலம் இது. அன்பு, அறம் தழைக்க, அனைவரும் ஒருங்கிணைந்து வெள்ளைக் கொடி உயர்த்தி உலகை காக்க வேண்டும்.

காலம்

 

காலம் தன் விசையில் நகர்ந்து செல்லும். ஆயினும், காலம் ஓடுகிறது. விரைவாக செல்கிறது என்றெல்லாம் நாம் நடைமுறையில் சொல்வது உண்டு. சார்ந்துள்ள சூழல். வாழும் வாழ்க்கை ஆகிய சந்தர்ப்பங்கள் இவ்வாறு கூற வைக்கிறது.

பிடித்தமான நேர்வு கள் காலம் போதவில்லை என்றும், சங்கடமான போக்குகள் காலம் ஏன் நீண்டு செல்கிறது எனவும் நம்முள் பல வினாக்கள் எழுப்பிக் கொண்டே இருக்கும்.விடை அறிந்தும், வினா எழுப்பும்!

இப்படியும் , அப்படியும் அலைக்  கழியும், அல்லல்படும் அனாவசியமாக. என்ன புரிதல் இருந்தும் கூட, சரியும் உணர்வுகள் நமக்குள் சந்தடி சாக்கில்,  கிளர்ச்சிகள் நிகழ்த்தும்.

வயநாடு

 

வய நாடு உயரம் 

சந்தித்த துயரம் 

சரிந்த முகடுகள்

புதைந்த சுவடுகள் 

சூழல் அழிவை

மெல்ல மெல்ல 

நகர்த்திய வளர்ச்சி

மேற்கு தொடர் மலையை

குடைந்து 

வணிகப் பெரும்பசியில் 

உல்லாசம், கட்டடங்கள்

காடுகள் அழித்து 

கான் உயிர்கள்

மாய்த்து 

பேரழிவுக்கு வாசல் வைத்த 

பேராசை 

காவு கொண்டது 

மாந்த உயிர்களை 

இதுவே பாடம் 

தேசத்திற்கு 

கற்குமா?

நிவாரணத்துடன் 

நிரல்களில் வழக்கமாய்

முழக்கத்தில் 

அஞ்சலியுடன் 

அடுத்த 

தேர்தலில் 

கவனம் 

செல்லுமா?

உண்டு!

 

கோடையில் தவிக்கும் வாய்

தகிக்கும் மெய்

வரிசைக் கட்டும் 

நீர்க் குடங்கள்

நெருக்கித் தள்ளும் 

கூட்டம் 

விசும்பின் பொழிவில் 

விக்கி நிற்கும்  

சிக்கி தவிக்கும்

உபரி நீர் உருப்படியாய் 

தேக்கி வைக்க 

ஆறு இல்லை

ஏரி இல்லை

குளம் இல்லை

வாய்க்கால் வரப்பு இல்லை

தார்ச் சாலைகள் உண்டு 

பாலங்கள் உண்டு

கழிவு நீர் கால்வாய் உண்டு

முதுமை

 

உனக்கென இடம் உண்டு 

உணர்ந்து கொள் 

ஒதுக்கி நில் 

 அடுத்த வருக்கே 

முன்னுரிமை காட்டி  நீ 

 தனியேயாயினும்

தவிக்காதே, தவிர்க்காதே 

சோர்ந்து போகாதே. 

சார்ந்து

 செல்லாதே 

தூர்ந்து போகாதே 

துயரம்   பொல்லா தே 

நிலை

 

கரை சேர்க்கும் கலம்

கறை கூட்டும் புலம்

நுரை சேர்க்கும் அலை 

நூல் சேர்க்கும் கலை

புகை கோர்க்கும் பகை 

அ னல் தணிக்கும் வகை 

புனல் விளக்கும் நிலை

கூடாது

 உயர்த்திச் செல்ல முடியாது 

உருட்டி ச் செல்ல முடியும் 

துரத்திச் செல்ல முடியாது 

தொடர்ந்து செல்ல முடியும் 

விரட்டிச் செல்ல இயலாது 

விலகிச் செல்ல இயலும் 

தடுத்து நிறுத்தக் கூடாது 

தாங்கி ச் செல்லக் கூடாது

படித்துக் கெடுக் க கூடாது 

படியாமல் வாழக் கூடாது 

சொல்லாதே

ஒன்றும் சொல்லாதே !

அவரிடம்

நன்றும் செல்லாதே !

மறுத்து ப் பேசுவதே 

வளர்ச்சி !

அவ்விடம்

ம டக்கிப் பேசுவதே 

முதிர்ச்சி !

அடக்கிப் பேசி 

அடங்கிப் போ 

இவ்விடம்

அமைதி யாய் 

அகன்று போ 

அரிப்பு

 

அரிப்பு சுகமே 

அளவுக்குள் தினமே 

கரிப்பும் இதுவே 

செரிப்பு முறையே 

உணவுக்கு அளவே 

சேர்ந்திடும் அறிவே 

செப்பிடு உணர் வே 

மனம்

 

இங்கு இருக்கும் 

அங்கு இருக்கும் 

எங்கும் இருக்கும்

தங்கும் இறுக்கம் 

தளர்வில் நெருக்கம் 

உணர்வில் உருக்கம் 

உண்மை பிறக்கும் 

"அறு த்துகிச்சாம் கழுதை எடுத்துகிச்சாம் ஓட்டம்"

 

"அறுத்துகிச்சாம். கழுதை, எடுத்துகிச்சாம் ஓட்டம்"

வெய்யில் காலங்களில் அப்போதெல்லாம் இரண்டு மாதங்கள் பள்ளிக்கூடங்களுக்கு விடுமுறை விடுவது வழக்கம். 

பெரும்பாலும் தார்சாலைகள் போடாத வீதிகள். இருபுறமும் வீடுகள் அமைந்த அமைப்பு. திண்ணைகள் கொண்ட இல்லங்கள்.புறக்கடையில் கிணறு, தொட்டி கக்கூஸ், வேப்ப மரம், செடி செட்டுகள் கிணற்று நீரே குடிக்க, கொப்பளிக்க என அனைத்து உபயோகமும்.. மின்சார இணைப்பு ஒன்றிரண்டு வீடுகளில்தான்.பெரும்பாலான இல்லங்கள் கா விளக்கு, அரி க்கன்             விள க்குகளில்  இராப் பொழுதைக் கழிக்கும்.

தெரு சாக்கடைகள் தேக்கம் இல்லாது ஓட்டத்தில், தவளைகள் வாழும் இடமாகவும் விளங்கியது.கொசுத் தொல்லைகள் அற்ற ஊராகவம் இருந்தது.மணற்பாங்கான இடங்களில் வீட்டுக்கு வீடு, முன் கட்டில் முருங்கை மரங்களை பார்க்கலாம். தெரு முனையில் இருந்த கோவில் மதிற் சுவர் ஒட்டிய பகுதியில் தென்னை மரங்கள் அலங்கரிக்கும். அடுத்து, தண்ணீர்  குழாய்.  பொதுமக்கள் தேவைக்கு இருக்கும். பக்கத்தில் பன்னீர் பூ  மரம்  வெள்ளை பூக்களுடன் வாசனை பரப்பும்.

வீதிக்கு வடக்கில் விட்டு ,விட்டு பூவரச மரங்கள் அணி வகுக்கும். வரிசையாய் கூரை வீடுகள் நேர்க்கோட்டில் தெற்கு பார்த்த அமைப்பில். புறக்கடை இறக்கம் தனுசு பிள்ளை தோப்பு. மிகப்பெரிய தென்னந்தோப்பு பெருவாரியான மக்களுக்கு இயற்கை உபாதை கழிக்கும் வாய்ப்பாக அமைந்தது.

இத்தகைய புற சூழலில், கோடைக்கால சிறார்கள் மாணவப் பருவம் விளையாடி, பொழுது போக உகந்ததாக இருந்தது.வீட்டில் உள்ள பாட்டிகள் கதை சொல்ல, விடுகதை போட ,ஒரே ஆரவாரமாக , ஆரோக்கியமாய் பொழுதுகள் புலரும்.

வீட்டில் கொழுக்கட்டை, கடலை அவித்து தருவது. எள் அடை, வெள்ளை முறுக்கு, கடல்பாசி, கமர்கட்டு, கசகசா மிட்டாய் என பலவகை தின்பண்டங்கள் தெருவில் விற்கும், வாட்ச் மிட்டாய் பாட்டுப்பாடி, பிள்ளைகள் கையில் கட்டி, தாடையில் கொசிரு ஒட்டி செல்லும் வியாபாரி.இவையாவும் கண் கொள்ளாக் காட்சியாக இருக்கும்.

நுங்கு, பலாச் சுளை, மாம்பழம், மல்லாக்  கொட்டை, கொண்டைக் கடலை போன்ற பண்டங்களும் நாவின் சுவை தணிக்க பட்டியலில்.இல்லங்களில் சுட்டு அளிக்கும் முறுக்கு, கொழுக்கட்டை வகைகள் கூடுதல் தீனி என்றால் மிகையாகாது.

சொந்த, பந்தங்கள் வீட்டிற்கு விடுமுறை காலப் பயணம் செல்வதும் உண்டு.அதில் வீட்டு சடங்குகள், சம்பிரதாயங்கள் என்று பல நிகழ்ச்சிகள் இணைவது உண்டு.

சலிக்க வெய்யிலில் ஆடுவது, பம்பு செட்டுகளி ல் குளிப்பது, உண்டி வில் அடிப்பது, மீன் பிடிப்பது, நீச்சல் பழகுவது ஆகியவை களும் அடங்கும்.வீட்டுக்கு டிமிக்கி கொடுத்து விட்டு, ஆட்டம் போட்டு அலு த்து , திரும்பி கண்டிப்பும், தண்டனையும் அடைவதும் உண்டு.

அம்மை நோய் வாரி கொட்டி அவதி படுவது, கை கால்களில் சிரங்கு வந்து, நீல மருந்து, மற்றும் மருந்து கடைகளில் கிடைக்கும் எஸ் பவுடர் தேங்காய் எண்ணெய் குழைத்து, பூசுவதும்  வழக்கம்.

கோடை விடுமுறை முடிந்து பிள்ளைகள் எப்போது பள்ளிகளுக்கு ச் செல்லும் என்று பெற்றோர் ஆவலுடன் எதிர்பார்ப்பதும் உண்டு. அத்தகைய சூழல் குறித்து அண்டை வீட்டாருடன் வாடிக்கையாக பேசும்போது உதிர்க்கும் சொற்றொடர், " அறுத்துகிச்சான் கழுதை, எடுத்த்துகிச்சாம் ஓட்டம்", என்பது.

அம்மா எங்களிடமும் , நாங்கள் அடங்காமல் ஆட்டம் போடும்போது, இவ்வாறு கூறியது உண்டு.

உண்மையில் , குதிரையைக் கண்டதை விட  கழுதையைப் பார்த்ததே அதிகம். அதிலும் அதன் குட்டி ,அவிழ்த்து விட்ட சமயத்தில் அதம் பறக்கும் விதமாய் அயராது ஓடி, புழுதி கிளப்பும். அவ்வளவு எளிதில் அதை மடக்கி பிடித்து விட முடியாது.

குழந்தாய்

 

கதை தந்தேன்     

கனிவுடன் 

உதை தந்தாய்.

விதை பந்தாய் 

விளையாட்டு 

பருவ 

விருந்தாய்

அன்பின் கொழு ந்தாய் 

அரு மருந்தாய்

உள்ளத்தில்

 உடன் பிறந்தாய்

ஒன்றாக வளர்ந்தாய் 

ஒரே தட்டில் உண்டாய் 

உறங்கி னாய் 

ஒரே பாயில் 

ஓயாமல் கேட்பாய்

கதை

பறந்தாய் பிழைக்க 

அயன் மனை

 அரவணைப்பில்

மறந்தாய்

பிறந்தகம் 

தேடி வந்த உறவை

நிற்க வைத்தாய் 

தெருவில்

உருவில் மாற்றமில்லை

உள்ளத்தில்?

பஞ்சம்

 கண்ணீர் வரவழைக்கும்

தண்ணீர் பஞ்சம் 

தலைநகரில் 

தவித்த வாய்க்கு

தகிக்கும் மெய்க்கு 

நீர் தருவார்

யார்?

நீர் லாரிகள் 

பிடிக்க 

முட்டி மோதும்

மக்கள் 

இயற்கையின் கொடை

எட்டிடும் நடை

எவர் பொறுப்பு 

இதுவெல்லாம் 

உயிர் பிரச்னை அன்று

உயர் பிரச்னை அல்ல

இன்று 

ஆளும் வர்க்கம் 

மேட்டுக்குடி மேய்ச்சலுக்கு 

தாரை வார்க்கும் 

நீர், நிலம், வளம் 

யாவும் 

நிர்க்கதியாய் 

துயரம்

 வயதான காலத்தில்,  மகன் வீடோ, மகள் வீடோ சென்று, தங்கி ஒத்தாசையாக இருக்க முடிவு செய்து புறப்புடும் பெற்றோர். அழைப்பின் பேரில் அனுமதி கிடைக்க மகிழ்ச்சியுடன் பயணம்.

ஆரம்பம் உற்சாகம், வரவேற்பு. பே ரக் குழந்தைகள் பிரியம் ஈர்த்திட  பொழுதுகள் விரையும். பெரியவர்களின் பேறு கால ஒத்துழைப்பு தனிக் குடும்ப சூழ் நிலையில் , அனைவருக்கும் வாய்க்கும் என்று கூற முடியாது.

அயல் தேசத்தில், எந்த சேவைக்கும் விலை உண்டு. பெறும் சம்பளத்தில் வரி, வாய்தா செலவுகள் போக, இழுத்து பிடித்து வாழ்க்கை, வசதி யாவும்.

இதில் காலஞ் செல்ல, செல்ல முதுமையின் காரணமாக நலிவுற்ற பெற்றோர் நோய்,வாய் பட்டால் உதவிக்கு வந்தவர்களுக்கு, மருத்துவ உதவி அளிப்பது கூடுதல், பெருஞ் சுமையாகி விடுகிறது.

பொருளாதார சக்தி வாய்ப்பு உடையவர்கள் ஆயின் சமாளிக்க இயலும். இதில் கூட நாணய மதிப்பு வித்தியாசத்தில் அனைவராலும் சந்தர்ப்பத்தை எதிர்கொள்வதில் சிரமம் இருக்கும்.

அயல் நாட்டு குடி மக்களுக்கு காப்பீடு, அரசாங்கத்தின் சமூக பாதுகாப்பு சலுகைகள் போதிய அளவில் கை கொடுக்கின்றன. ஆகவே அவர்களுக்கு இதில் சிரமம் இல்லை.

வருகை தரும் உறவுகளுக்கு கூடுதல் துயரம் இவ்வகையில் என்று கூறினால் அது மிகையாகாது.

விருந்தாய்

 

சொன்னேன் மறந்தாய் 

பதில்

சொல்லாமல் கிடந்தாய் 

மீண்டும்

நினைவுப்படுத்த 

விருப்பில்லை 

நீண்ட இருப்பில் 

கசந்தாய் 

மீண்ட இருப்பின் உணர்வாய் 

இருந்தேன் விருந்தாய் 

சீற்றம்

 பதிவைப் பார்ப்பார் 

பரிதவிப்பார் 

 சார்பு நிலை 

எடுப்பார்

தடுமாறுவார் 

உலக சித்தாந்த

போக்கு அறியார்

உள்ளூர் அளவிலே 

ஒன்றி,  

சிதறிடுவார் 

சீர் தூக்கி பார்க்கும்

நோக்கம் 

உடையார்

சீற்றம்  அடைவார்

உலகம்

 அந்த உலகம் 

சொந்த உலகம் !

இந்த உலகம்

 வந்த உலகம் !

எந்த உலகம் 

பந்த உலகம் ?

நாசகாரி

 கள்ள சாராயம் 

நச்சு சாராயம் 

யாவும் நாசம்

விளைவிக்கும் 

நாசகாரிகள் 

எதிலும் பணம் பார்க்கும்

வியாபாரம் 

இவர், அவர் என்ற பேதமில்லை 

அனைத்து வண்ணங்களும்

அடித்தள மக்களை 

இலக்கு வைக்கும் 

உழைத்து,உழைத்து

உருக்குலையும் 

வாழ்க்கை 

ஊதியம் போதாமை 

மயக்கத்தில் ஆழ்த்தும்

ஆளும் வர்க்கம் 

கள்ளக்குறிச்சி தரும் 

பாடம் 

உடன் மதுவிலக்கு 

கட்சி அரசியல் தாண்டி 

மக்கள் அரசாய் 

அரசியல் பிழை அகற்றி

அறம்  காத்திட வேணும் 

கொடுஞ்செயல் இழைத்த 

கொடி யவர் கொடி 

அறுத்து 

கோ லோ ச்ச வேண்டும்

விளங்க வேண்டும்!

 இருப்புப் பாதை விலகி 

இடித்து  ஏறி 

அந்தரத்தில் தொங்கும் 

பெட்டிகள் 

உயிர் களுடன் 

சமிக்ஞை மறந்தார் 

சனங்களை யும் மறந்தார் 

மேற்கு வங்கத்தில் 

உயிர்கள் பலி 

இயல்பாய் 

அடுத்தடுத்து மாநிலங்களில்

சிக்கன பயணம் 

நாட்டை இணைக்கும் 

நெடிய போக்குவரத்து

பாதுகாப்பு அம்சத்தில் 

கும்ப கர்ண பருவம் 

இதில் புதுமை என்ன?

சாதனை என்ன?

சரிந்த வாழ்க்கை 

பிரிந்த உயிர்கள் 

பொறுப்பு ஏற்பு 

எவர்?

இழப்பீடு ஈடாகுமா ?

இனியொரு விதி செய்வோமா? 

விபத்தில்லா தொடர் வண்டி 

விளங்க வைப்போமா?

விளங்கவில்லை

 ஏன் அடித்தாய். ?

கேட்க முடியவில்லை !

உன் பிள்ளை என்பதால் 

உரிமை

உண்மைதான் 

சண்டிக்கு 

கண்டிப்பு தேவைதான் 

அடியும், இடியும் 

அவசியமா?

எனக்கு நானே கேட்டுக் கொள்கிறேன்!

பதிலுக்காக அல்ல 

பதிவுக்காக 

இறுக்கத்தை தளர்த்தி விட்டேன் 

நெருக்கத்தைக் குறைத்து விட்டேன் 

புழுக்கம் போகவில்லை 

புன் சிரிப்பும் ஏறவில்லை

உள் சிரிப்பும் கூடவில்லை 

உண்மை விளங்கவில்லை

சிந்திக்காதே

ரொம்பவும்  சிந்திக்காதே 

  ரொம்பவும் நிந்திக்காதே

 வருந்தாதே 

வருத்தாதே  

தள்ளாதே  

மகிழ்வை கொல் லாதே 

முறிவு கொள்ளாதே

செறிவு நில்லாதே

முடியவில்லை

 

பேசவில்லை

பேச

கூசவில்லை 

கேட்கவில்லை 

கேட்டு 

பழக்கமில்லை 

கொடுக்கவில்லை 

கொடுத்து 

முடியவில்லை 

பழக வேண்டும்

 வாழ்க்கையை புரிந்து கொள்ள முடியவில்லை.பல பத்தாண்டுகள் கடந்த பிறகும். அனுபவம் கூடுதல் என்று  மிதப்பில் நடந்து கொண்டாலும், சிறிய சம்பவம் கூட நம்மை இடர வைக்கிறது, இடைஞ்சல் தருகிறது. 

மனைவி, மக்களை, நாம் ஒன்று சொல்ல, அவர் ஒன்று சொல்ல,  இடைவெளி,மோதல்  திடீரென உருவாகிறது.

காதல் மணம் தொடங்கி, ஏ ற்பாடு திருமணம் வரை. ஏ ன்? 'ஒன்றாக வாழ்வது' என்னும் தற்கால வாழ்க்கை முறைகள் வரை. முரண்கள் எழுவது இயல்பு  என்றாலும் , சில சிக்கல்கள் திவீரமாகி,  மன/மண முறிவில் முடியும் போக்கு ம் பரவலாக,  பட்டியலில் தினசரி நிகழ்வாய் இடம் பெறுகிறது.

நிதானம் , போதவில்லை.மேலும் கூடுதலாக அவசியம் என்று மீண்டும் நமக்கு, அனுபவம் பலமாக பாடம் கற்றுக் கொடுக்கிறது. ஏற்க வேண்டும் , ஏ ற்று அடுத்த நடை எடுக்க பழக வேண்டும் .

முழுமை யா ?

 பதிவு செய்

உள்ளதை

உண்மையை 

அடுத்த கட்டம்

தன்னை

சார்ந்த அமைப்பை

நிறுத்து

தவறில்லை

முன்னோடி யை 

முடக்கி 

முக்காடு இடும்

வரலாறு

முழுமையா ?

ஏன் ? நீ

 அவனுக்காக 

ஏன் நீ 

வருந்த வேண்டும்?

உனக்காக நீ 

வருந்தாத போது!

அவனுக்காக ஏன் நீ

 அழ வேண்டும்?

உனக்கே நீ 

அழாதபோது !  

உருமாற்றம்

 புது சூழல்

பொல்லாத சுழல்

எதுவும் ஏற்கும்

மனம்

இரைகிறது 

எரிச்சல் கூடுகிறது

கரிசல் மண் அன்று

கரிசன மண் இன்று

என்றாலும் தடுமாற்றம்

எண்ணற்ற உருமாற்றம்

விளங்கும்

 முதிர்ச்சி 

தளர்ச்சி 

வளர்ச்சி

மலர்ச்சி 

அகவை கூடும்

முதுமை சேரும் 

பெருமை தேடும்

பொறுமை வாடும்

அருமை அறியும் 

வெறுமை விலகும் 

ஒருமை விளங்கும்

செலவில்

 புரியாமல் வளர்த்தேன்

புரிதல் வேறாக

முந்துரிமை

அறியாமல் நழுவினேன் 

முந்திய நாளில்

இந்நாளில் செய்தேன்

 ஈடு 

தடுமாற்றம் , தடைகள்

தாண்டி 

பயிலக வாழ்க்கை 

அயலக செலவில்

இலகுவாகும்

 கேட்கிறதா?

காது

திறக்கிற தா?

கதவு

கேட்கிறது  

காது 

திறக்கவில்லை 

கதவு 

 இனிக்கிறதா வரவு ?

கசக்கிறதா  செலவு?

இனிப்பும், கசப்பும்

இரண்டும் ஏற்போம் 

அறு சுவை

உறுப்பாய்

காதலை தொலைப்போம்

கனவில் மிதப்போம் 

கனவை உணவாக்கு

உணவை   கனவாக்கு

கவலை மறப்போம்

இலகுவாகும்

மனம்

மனிதம் தழைக் கச் செய்வோம்

விலகியும் அன்பு செய்வோம்

வீண் பழி விலகி நிற்போம்

விதிக்கொரு 

விதி செய்வோம்

வீண் மதி வெல்வோம் 

நெஞ்சன்

 கஞ்சன் அல்ல 

சிக்கனம் பிடிக்க 

சிக்கென பிடித்தேன்

இக் கணம் 

தலைக் கனம்

அல்ல

தனிக் குணம் 

தன்னம்பிக்கை மனம் 

நெருக் கடி

தெளி

 நெஞ்சன்

பாவனை

புரியவில்லை!

 தெரியவில்லை!

புரிந்தது போலவும் 

தெரிந்தது போலவும்

பல காலம் 

பாவனையில் 

சில காலம் 

சோதனையில்

சகிப்பு

நலிவில் 

பொறுப்பு

சரிவில்

புறம் கூறும் 

அறம் !

குதிப்பில் 

சிக்கல்

 

என்ன எழுதுவது?

எப்படி எழுதுவது?

அப்படி எழுதிய படி

இப்படி எழுதலாமா?

இப்படி 

எப்படி?

இதர படி 

எப்படி ?

பிளந்து செல்லாதே!

 பிறப்பித்தாய் 

பிறந்தேன்

சிறப்பித்தாயா? 

நான் என்ன செய்வேன்?

முயற்சி செய்தேனா? 

உயிரியல்

நேர்ச்சியில் 

தரித்தே ன் 

என் பிழை இல்லை

அவன் பிழையும் இல்லை

உணர்ச்சியின் தொல்லை

உள்ளபடி சொன்னேன்

தள்ளுபடி அன்று 

உதித்தாய் 

பிறரைப் போ ல் 

இதில் ஏ து 

இழிவு

பிழிந்து கொள்ளாதே 

கசந்து மெல்லாதே

எண்ணத்தைப் பிளந்து

செல்லா தே

ஆலமரமாய் !

காவல் நடவடிக்கை சில காலம்
செய்தித்தாள்களில் நடமாட்டம்,
சிறைக்குள் சென்று மீண்டான்,
சில்லரை கொடுத்து
சீர் செய்தான்.

தெருக்களில் நின்றவன்
ஊர்களில் ஊடுருவல்
பகுதிகளைக் கடந்து
பல்கிப் பெருகி

மாநிலங்களுக்கிடையில்
விரைந்திடும் வியாபாரம்.

'இந்தியாவில் தயாரிப்போம்'
தந்திர மந்திரம்
மதியுள்ளவன் குவிக்கிறான்.

அறியாமை இருள்
வலிசேர்க்க
அதிகார உறுதி ஆள் சேர்க்க,
ஆலமரமாய் விழுதூன்றி
வியாபாரம்

வாழ்வாய்

 தூக்கத்தை

 தொலைத்த

 இரவுகள்

ஏக்கத்தை 

சுமந்த 

கனவுகள் 

பக்கத்தை 

இழந்த 

நூலாய் 

துக்கம் சேர்

 வாழ் வாய் 

கருகிய வாழ்க்கை

 அகம் அகன்று 

அயலகம் செல்வார்

 குண்டி நனைய 

உண்டி நிறைய 

உடையவன் உதாசீனம்

உதவியவன் 

உறிஞ்சி ட 

உழைப்பை விற்பார் 

ஒரு கோடிக்கு மேல் 

பெட்ரோலிய நாடுகளில் 

பெற்றோர், மற்றோர் 

பிரிந்து 

முகவர் கொழிக்கும் 

உழைப்பு ச் சுரண்டல்

கால்வாசி கையில் 

அந்நிய செலாவணி ஆக 

கிடை  விலங்குகள் போல் 

கொட்டடி வாழ்க்கை 

விபத்தில் கருகினர் 

குவைத்தில் 

உடலைப் பெறுவதில் 

உயிர்க்கும் வேகம்

உள்ளம் கருகிய 

வேளையில் 

உதவிக்கு இல்லை

பக்ரயின் ஆனாலும் 

பரிதாபத்தில் 

உழைக்கும் வர்க்கம் 

பல பத்தாண்டுகளாக 

ஊடகச் செய்தியாய் 

உலா வரும் 

உச்சு கொட்டும் 

இரங்கற்பா இசைக்கும் 

ஆளும் வர்க்கம்.

மறந்து விடக்கூடாது !

 இயற்கை உபாதையை கூட பாதுகாப்பாக கழிக்க முடியாத நிலை புதுச்சேரியில். மீத்தேன் வாயு வீட்டிற்குள் புகுந்து உயிர்பலி. ஆன்மீக பூமி, சுற்றுலா வளர்ச்சி, பல துறைகளில் முன்னேற்றம் என்ற பாராட்டு, பதாகைகள் மேடை ஏறும் நாள்தோறும் 

உள்ளாட்சி நிர்வாகம், மற்றும் பொதுப்பணித்துறை கழிவு அகற்றும் பணி முறையாக செயல்படாத நிலையில் , அரசியல் சாசனம் உறுதி செய்துள்ள ,மக்களின் வாழ்வுரிமை பறிப்பு ,நிகழ்ந்துள்ளது.  இத்தகைய கொடுமைக்கு ,எவ்வித சமாதானமும் ஏற்பு உடையதல்ல.

இந்த சம்பவம் ஒரு கொலைக் குற்றத்திற்கு உரியது. இதில் சம்பந்தப்பட்டவர்கள் , ,அதிகார அடுக்கின் மேல் நிலையில் இருந்து,  கீழ் நிலை வரை , தண்டனைக்கு உரியவர்கள் ஆகும்.

பாதாள சாக்கடைத் திட்டத்தின் தரம், மற்றும் பாதுகாப்பு முறைமைகள் குறித்தும் புதுச்சேரி மாநிலத்தில் உள்ள அனைத்து மக்களுக்கும், புதுச்சேரி அரசு  இத்  தருணம் , உத்தரவாதம் அளிக்க வேண்டும்.

பல பகுதிகளில் கழிவு நீர் சுத்திகரி ப்பு  கிணறுகள், நிலையங்கள் அமைக்காமல், ஒப்பந்ததாரர் நலனுக்காக பாதாள சாக்கடைத் திட்டத்தில் குழாய்கள் பதிப்பது, பத்தாண்டுகளுக்கு மேலாக ,அப்படியே அலட்சியமாக விட்டு விடுவது, " பொலிவு நகர திட்டத்தின்" இலட்சணம் அல்ல.

அதிக தாவர உயிர்களும், பிற உயிரினங்களும் வாழும் கடல்,  தாய்க்கு சமமாக,போற்றப்பட வேண்டியது, பாதுகாப்புடன் பேணப் பட வேண்டும். ஆனால், வேதியல்  தொழிற்சாலை கழிவுகள்,சாக்கடைத் திட்டக் கழிவுகள் என நாள்தோறும் கடலில்  பெருமளவில் கலக்கிறது. 

இது யார் குற்றம் ? 

சுற்றுச் சூழலை காக்க வேண்டிய அரசு நிர்வாகம் ,அதனை சீர்குலைக்கும் வகையில் பல  பரிமாணங்களில் எதிர்மறையாக செயல்படுவது ,நல்லது அன்று.

ஊர் முழுக்க திறந்த சாக்கடைகள், குப்பைகள் மிதக்கும் வாய்க்கால்கள் ,  கொசு கும்மாளமிடும் கோட்டமாய், விளங்கும் கோலம், புதுச்சேரிக்கு அழகு சேர்க்குமா?

போர்க் கால அடிப்படையில் இவற்றை தீர்க்க களத்தில் இறங்கி , இதய சுத்தியுடன் வேலை செய்ய வேண்டும். அதிகாரம், ஆஸ்தி இவைதான் வாழ்க்கை என்ற  கோணல் அரசியல் ஒரு பேரழிவை படிப்படியாக அனைவருக்கும் கொண்டு சேர்க்கும் என்கின்ற இயற்கை நியதியை நாம் மறந்து விடக்கூடாது.

கரை ந்திடு

 இருக்கும் இடத்தில் கரைந்திடு 

இறுக்கம் நீக்கி தளர்ந்திடு 

நெருக்கம் உணர்ந்து திருந்திடு 

நேரிய வழியில் நடந்திடு

நேர்மை எது என்று அறிந்திடு 

நேற்றைய வாழ்வை மறந்திடு 

இறக்கிய சுமை ஏற்றாதே 

இன்னொரு சுமை  தாளாதே 

கணக்கு

 எல்லாம் தெரியும் எனக்கு 

எதுவும் தெரியாது உனக்கு

எக்கிடும் தப்பு கணக்கு 

ஏங்கிடும் மனக் கணக்கு 

எல்லாரிடமும் இருக்கு 

ஏ ன்  இந்த கிறுக்கு 

இற ங்கிடு. மீசை முறுக்கு 

"வேலைக்காரன் திறமையை வெய்யிலில் பாரு"

"வேலைக்காரன் திறமையை வெய்யிலில் பாரு"

எதற்கு இப்படி சொல்கிறார்?  என்ன?

இது கொ ச்சையா? அன்றி 

பச்சையா? 

இந்த சொல்லாடல் சூ ட்சுமம் புரியாமல் தவித்த வயது. படிப்பறிவு இல்லாத காரணத்தினால் அம்மா இப்படி , கொச்சையாக, அல்லது அசிங்கமா பேசுகிறார் என்று கூட எனக்கு நானே சுய விளக்கம் கொண்டு ,வெட்கப்பட்டு , விலகியது உண்டு. 

எங்கள் வீட்டு எதிரில் மண்ணாங்கட்டி ஐயா , அப்பாவின் பால்ய நண்பர்.சலவையாளர் சமூகத்தைச் சேர்ந்தவர். தாயா, பிள்ளையா குடும்ப பழக்கம் உடையவர். வன்னியர் தெரு மருவி, வண்ணார் வீதி ஆகி இருந்தது. மூன்று வீடுகள், பூர்வீ க சொத்து உரிமையாக இருந்த காலம்.

இதில், எங்கள் குடியிருப்புக்கு எதிர் புறத்தில் அவர்கள் வீடு கட்டிக் கொண்டிருந்த சமயம். சிமெண்ட் உபோயோகம் அரிதான காலத்தில், கரசூர், தொண்டமாந த்தம் கிராமங்களின் சுண்ணாம்பு  சூலையில் இருந்து , கட்டை வண்டியில் ஏற்றி வரப்படும்  சுண்ணாம்பு. புளிக்க வைத்து,இடித்து,  பக்குவப் படுத்தி எடுக்கும் பெண்கள் ,பாட்டுப்பாடி பூசு வேலைக்கு ஆயத்தம் செய்வார்கள்.

சுமார் ஓராண்டுக்கு மேலாக  , அவசர கதி தவிர்த்து, கட்டு வேலை , பூசு வேலை , மெல்ல,மெல்ல, உறுதியாக நடந்து கொண்டிருந்தது. 

கிராமத்தில் வயல், வரப்பு வேலைகள் இல்லா சமயத்தில் கொத்தனார் வேலை. அது தருணம்,நாட்டுப் புற பாடல்கள் நளினமாக வந்து விழும். உலக் கைகள் தாளத்தில். சிறுவர்கள் வேடிக்கைப் பார்க்க ,சிரமமின்றி அரங்கேறும்.

பொன்னி ஆயா , கூரை வேயப்பட்ட ,எதிர் வீட்டு வாசற்படியில் குத்தங் காலிட்டு அமர்ந்து உற்சாகமாய் வேலை வாங்கிக் கொண்டு, அம்மாவிடமும் ,வீட்டுக் கதைகள் சன்னமான குரலில் பேசிக் கொண்டிருப்பார்

இந்த உரையாடலில் , குடும்ப பிரச்னை உள்ளிட்ட அம்சங்கள் வந்து இறங்கும்.சுமை இறக்கி வைத்தாற்போல. இதன் மத்தியில் எங்கள் காதில் வாங்கிய வரிதான் இது.

வெய்யிலில் வேலை செய்யும் மேஸ்திரி,சித்தாள் குறித்து, அவர் வேலையின் கீர்த்தி , அல்லது நேர்த்தி சம்பந்தப்பட்டது என்ற புரிதலில் மட்டும் அப்போதைக்கு அறியப் பட்டது.

சில காலம் கழித்து, கடுமையான காற்று, மழையில் ,மோட்டு வலை பிய்ந்து பறந்த கூரை வீட்டில், உள்ளே மழை கொட்ட, இருக்கும் சட்டி, பானைகள், பண்ட பாத்திரங்கள் நீர் பிடிக்க, சிறு,குட்டைகளாக நனைந்தது.

கேஸ் பலகைப் பெட்டிக்குள் கொம்மை வைத்த அடுப்பு வைத்து , பொங்கி சாப்பிட்டு,மழைக் காலத் தை  சமாளித்த பிறகு, வானம் வெளுத்த பின், தென்னை ஓலைக் கீற்று , தேங்காய்த் திட்டில், தோப்பு  கீற்று, பார்த்து  வாங்கி வந்து ,மீண்டும் கூரை போடும் வேலை  எங்கள் வீட்டில் நடந்தது.

கீழிருந்து மேலே ,வரிசையாக ஓலைகளை அடுக்கி ,தென்னை பாலை நாரில் , ஒன்றோடு ஒன்று பிணைத்து, அட்டி, அட்டியாய் வேலை நடக்கும். மூங்கில் கழியில் சொருகி மேலே உயர்த்தி கொடுப்பார்கள்.உயரம் போகப் போக ஏணியில் ஏறி நின்று, ஒத்தாடையுடன் பணி நடக்கும்.

முகடு எட்டியதும், மறு பக்கம் இருந்து கூரை வேயப்பட,  படிப்படியாக, மோ ட்டு வலை மூடுவதுதான்  உச்ச கட்டம். பொதுவாக,மழைக் காலங்களில், சூறைக் காற்று ,கூரை வீட்டில் வசிப்பவர் வயிற்றில் புளியைக் கரைத்து விடும். மேட்டு வலையை பதம் பார்த்து விடும். 

வெய்யில் காலங்களில் குளு, குளு என்று இருக்கும்.அதன் அனுபவமே அலாதியானது. தென்னை நார் கயிற்றுக் கட்டிலில் சொகுசாக அப்பா உறங்க, அவர் சென்ற பின், இடத்தைப் பிடிக்க போட்டியில் நாங்கள் முந்துவோம்.

கோடையில், அவ்வாறு படுத்துக் கொண்டு மோட்டு வலையைப் பார்க்க, சூரிய ஒளிக் கற்றை ஒன்றிரண்டு நட்சத்திரங்கள் போல வீட்டினுள் பிரகாசித்தது. இதைப் பார்த்து பரவசப் பட்டு அம்மாவிடம் தகவல் சொல்ல அவரும், "அடடா, மழைக்குப் பின் , மப்பும், மந்தாரமாக இருக்கும் போது கூரை அவசர கதியில் போட்டது. இப்பத்தான் புரியுது, பொன்னி ஆயா சொன்னது. "வேலைக்காரன் திறமையை வெய்யிலில் பாரு" , அர்த்தம் "

அட, பேச்சு வழக்கில் நம் முன்னோர்கள் எவ்வளவு அழகாக, ஒரு வேலையைப் பற்றிய  கணிப்பை, மதிப்பை, மிக எளிமையாக  நமக்கு விளக்கி உள்ளார் என்று உணர முடி.கிறது.

சூடு

 கண்டிப்பாய் 

கண்டிப்பு தண்டிப்பில்

முடிந்தால் 

கழுவாய் உண்டா 

சூடு காட்டினாய்

சுடும் என்றறிய

அறியா குழந்தை 

கை பிடித்து 

நடத்திய நீ

புகட்டினாய் பாடம்

என்றாய் 

கேட்ட பாட்டியிடம்

எனக்குத் தெரியாதா

என்றாய்

எட்டி நில் 

தொனியில்

கட்டிப் பிடித்தக் கை

கழன்று கொண்டது 

உறவு அழுத்தம் 

உறக்கம்  தொலைத்து 

கொண்டாட்டம்

 எனக்கு வெற்றி 

உனக்கு வெற்றி

கணக்கு சரி

பிணக்கு சரி

அதிகார மையம் நோக்கி

அரசியல் ஆட்டம் ஆரம்பம் 

வாக்களித்த மக்கள் அணி 

அணியாய் ஆரவாரம் 

அடுத்தது என்ன?

அன்றாடம் திண்டாட்டம்

வாழ்க்கையில் விலகும்

கொண்டாட்டம்

மூடும்

 எப்படி நடக்க ?

இப்படி நடக்கும் என்று அறியாத போது 

அப்படி நடந்தது சரியா?

உரிமை உள்ள கை

ஓங்கும் 

அருமை அறிந்த மெய் 

நடுங்கும்

பெருமை பேசிய வாய் 

மூடும்

கொள்ளாதே

 உனக்கென்ன வருத்தம்

பெற்றவர் அறியா பொருத்தம்

உன் கடமை கவனித்துக் கொள்வதே

உழைப்பு நல்குவதே

உரிமை அதிகம் ஆகாதே 

உறவு அழுத்தம்  கூடாதே 

வந்தோம் இருந்தோம் 

வரம்பில் நில் 

தாண்டி வராதே 

தூண்டில் இடாதே 

துயரம் கொள்ளாதே 

விளங்கிடுவாய்

 கொஞ்சுவாய் 

கெஞ்சு வாய்  ஆசையுடன்

அஞ்சுவாய் 

அடக்குவாய் அன்புடன்

கண்டிப்பாய் 

தண்டிப்பாய்  பொறுப்புடன் 

வெறுப்பை விலக்கி 

விருப்பு துலக்கி 

விளங்கிடுவாய் 

நிழல்

 நினைவுகளின் சு மையில்

நெடும் பயணம்

இமைகள் கன த்திடும்

தேடும் வானம் 

தொலைவில் 

எல்லை இல்லை 

இலக்கு

தொ லைந்து போகவில்லை 

உம் நிழல்

பக்குவம்

 கொதி நிலை அறியா 

குதி நிலை 

நம் கதி நிலை 

விதி நிலை இதுவே 

வேறில்லை 

பதி நிலை  என்பதும் 

பக்குவமே 

பிறப்பாய்

 உணர்ச்சிப் பெருக்கில் 

ஊன்றி

புணர்ச்சி ப்பிழிவில்

புல ர்ந்தவன்   

நீ

தளர்ச்சி இழையில் 

தறி யாடி 

வளர்ச்சி குன்றி 

மலர்ச்சி இழந்தவன்

முயற்ச்சி உணர்வில்

உள் வாங்கி

முண கல் போக்கு 

பின் வாங்கி 

பூத்திடுவாய், காய்த்திடுவாய்,

கனி ந்திடுவாய்  

இப் பிறவியிலேயே 

ஒரு 

மறு பிறப்பாய்

நாடுவார்

 எல்லா கொடுமையும் இழைப்பார் 

ஏதும் அறியாதது போல முழிப்பார் 

நாள் தோறும் வேடம் எடுப்பார்

நாடக நடிகர்  இவரிடம் தோற்றார் 

மக்கள் அளித்திடும் வாக்கு  வாங்கி

அளி த்தவருக்கே  அழிவைச் சேர்ப்பார்

அதற்கும் ஒரு நியாயம் தருவா ர் 

எதற்கும் பிழியும் சாயம் 

இதற்கும் 

வாயடி,  கை அடி

வலசை முழக்குவார் 

வக்கிரம் மறைய 

விக்கிரகம் நாடுவார் 

இழக்குமா?

 இதற்கும் பழகிடுவாய்

நீ

எதற்கும் வளைந்த மெய் 

ஏன் என்று கேளாத வாய்

உண்பதற்கே மட்டும்  

உணர்ந்த பொறி 

பழக்கம் விலகி

இயக்கம் ஏற்குமா 

இன்

செவி உணர்வு 

இழக்குமா 

குண்டுகளின் காலம்

 

துடுக்கு 

துன்பத்தை 

அடுக்கு

ஒடுக்கு 

ஓங்கிய மிடுக்கு

உரிமை அடக்கு 

உள்ளத்தில் கிறுக்கு 

ஓராயிரம் கொடுக்கு

உன்னிடத்தில் இருக்கு 

வண்டுகளின் காலம் போய்

குண்டுகளின் காலம் !

குவலய நீலம் போய் 

குருதியின் நீலம்!

வறண்ட பாலையில்

வளம் சேர்க்கும் !

வளம் மிக்க பூமியில் 

குளம் சேர்க்கும் !

இழப்பை எண்ணிக்கையில்

ஏற்கும் 

புள்ளி விவரம் அள்ளித் தரும்

புது உலகம் இதுவென்று ஓதும் !

ஏதம் இழைத்திடும் 

பெரு வணிக வேதம்

வெட்டியான் வேலை கூட்டும் 

 ஆயுத பேரம்

அமைதியை தூக்கிலிடும்

அணு தினமும் 

அடுத்தவன் நாட்டில்

எதற்கும் கை   தட்டும் 

ஆதிக்க கை கள் 

சரவெடியாய் 

சந்தோசம் கூட்டும் !

வாழ்வடி

 அவன் ஏ ன் இப்படி?

எப்படி?

தப்படி

தம்பிடி தளர்ந்த

தாழ் படி

வரும்படி இழந்த 

உருப்படி

இவன் படி !

இப்படி!

வரும் படி

உயர்ந்த 

வாழ் படி

வளர் படி

சுண்டு விரல்

 ஒரு சுண்டு விரல் முனை நசுங்கி, வளைவாக இருப்பது , அவள் கவனத்தை, வெகு காலம் கழித்து இப்போது தான் ஈர்த்தது. 

பள்ளி செல்லும் பருவம், தனியார் பள்ளியில் ஆங்கில பயிற்று மொழியில், அப்பாவின் ஆசைக்கு இணங்க, சேர்ந்து பயின்று வந்த சமயம் .கிளிப் பிள்ளை போல் ஆங்கில மொழி பாடல்கள், தத்து பித்து என்று, வயது ஒத்த பிள்ளைகளுடன் பாடி, ஆடி திரிந்த பொழுது.

கோடை விடுமுறை சற்று ஏ றக்குறைய இரண்டு மாதம். சலிக்க வெய்யிலில் விளையாடுவது.பம்பரம், கோலிக்குண்டு, கிட்டிப் புல், கபடி, கண்டேன்,கண்ணாமூச்சி, தாழ்வான பூவரச மரங்களில் ஏறுவது, அதன் இலைகளில் பீ ப்பி ச செய்து ஊதுவது, குச்சியில்  வில், அம்பு செய்து மர த்தி ல் எய்து விளையாடுவது ,இப்படி எண்ணற்ற ஆட்டங்கள்.

இவைகளுக்கு மத்தியில், நண்பர்கள் வீட்டில் பல்லாங்குழி, தாய கட்டை விளையாட்டு. பெரியவர்கள் ஆட வேடிக்கை பார்ப்பது,  சந்தர்ப்பங்களில் ஆள் இல்லாத நிலையில், உதிரியாக ,அணியில் இடம் பெறும் வாய்ப்பும் உண்டு.

சில நேர்வுகளில் அவரவர் பள்ளியில் கற்ற பாடல்களை பாடி, ஆடுவதும் உண்டு. இந்த வாய்ப்பு எனக்கும் நாய்க்கர் வீட்டு பிள்ளைகளுடன் பாட வாய்த்தது.

 மர சாய்வு நாற்காலியில் சாய்ந்து, தன்னை மறந்து , குரல் எடுத்து பாடுவது அலாதியானது.  நாய்க்க ர் இல்லாத போது அதில் அமர்வதே தனி அந்தஸ்து தான்.

ஒரு  மே மாத  பிற்பகலில் எங்கள் கச்சேரி அரங்கேற சில மணி நேரத்தில் ஓய்ந்து முடிவுக்கு வந்தது. 

அது சமயம்,  நான் எழுந்திருக்க, வலது கையை கத்தரி போன்ற சாய்வு நாற்காலியில் இருந்து எடுப்பதற்குள் ,அவசர அவசரமாக ,முத்து,. சுறு,சுறுப்புடன், சுணடு விரலுடன் சேர்த்து அமர்ந்திருந்த சாய்வு நாற்காலியை மடக்கி விட்டான்.

என்ன சோதனை இது. உடல் எழுந்து விட, வலது கை தொங்கிய நிலையில் மேலே எடுக்க முடியாமல், மாட்டிக் கொண்டது. கிடுக்கியில் மாட்டிய பாக்கு போன்று நசுங்கிய விரல் தசை பிய்ந்து, இரத்தம் பீச்சிட, வலியால் துடித்த அலறல் சத்தம் உடன் இருந்தவர்கள் பயத்தில் பட படக்க, தெருக் கதவைத் தாண்டியது என்  ஓட்டம். அரைக்கால்  சட்டையும் ஆங்காங்கே நனைந்தது.

இரண்டு வீடு தள்ளி இருக்கும் என் வீட்டிற்கும் என் ஓலம் கேட்டது. மதிய உறக்கத்தில் இருந்த என் தந்தை என்னை நோக்கி ஓடி வந்து வசவுடன் முதுகில் இரண்டு சாத்து சாத்தி,  ரிக் ஷா வாண்டியில் ஏற்றி அரசு மருத்துவமனைக்கு அழைத்துச் சென்றார்.

உயர்ந்த சீலிங் உள்ள, பெரிய  மண்டை கொண்ட மின் விசிறி காற்றை வாரித் தள்ள, உயரமான மேசை மீது மல்லாந்து படுக்க வைத்தனர்.ஆபரேசன் செய்வார்கள் என பயத்தில் என் அழுகை மேலிட. கட்டு மட்டும் போட்டு தைக்காமல் வைத்தியம் செய்து அனுப்பினர்.

அன்றிரவு முழுவதும் வலி. தூங்க முடிாமல் துடித்துக் கொண்டிருந்த என்னை, பாட்டி, வீட்டுக்கு வெளியே தாழ்வாரத்தில் அவர் மடி மீது சாய்த்து,கதை சொல்லி, பாட்டுப் பாடி மெல்ல தூங்க வைத்தார். ஆற டிக்கு துடிக்க உயரம், மாநிறம். உலக்கை பிடித்த கை, கூழ் துழாவிய, நெல் அவித்து ஊட்டம் தரும் தோற்றம்.

பம்பை, உடுக்கை சத்தம் கேட்டால் மருள் வந்து குல தெய்வம் -மதுரை வீரன் - குறி சொல்லும். மலையேற கற்பூரம் ஏற்றி அவர் கையில் அம்மா கொடுக்க, அதற்கு முன்பாக சொல் என்று வாக்கு கேட்டு, சாந்தி அடைவார்.

சில நிமிடங்கள் கழித்து, முகத்தில் தண்ணீர் தெளிக்க, தூ க்க கலக்கத்தில் இருந்து எழுவார் போல் விழிப்பார். 

ஆறு பத்து ஆண்டுகளுக்கு முன்னர் அனுபவித்த வாழ்க்கை கதை, மனதின் பெட்டகத்தில் இருந்து நிகழ் காலச் சக்கர ஆரத்தில், இணை யாள்  சுண்டு விரலைப் பார்த்து வினவிய போது தற்போது பதிவேற்றம் காண்கிறது.

நிற்காதே

 பொறுத்துக் கொள் 

எதையும்

புரிந்து கொள் 

சகித்துக் கொள்

எதையும் சமாளித்து

நில்

சரிந்து விடாதே

சந்தி சிரிக்க விடாதே

வரிந்து கட்டி 

வம்பு அளக்காதே

வாங்கி கட்டி 

வழிந்து 

நிற்காதே

ஒப்பா செயல்

இறப்பு 

இரங்கலு க்கு உரியதே!

போர் ஆயினும் 

விபத்து ஆயினும் 

பொல்லாங்கிற்கு 

இடமில்லை !

ஓர் உயிர் உருவாக்கிய

படைப்பின் உழைப்பை

இயற்கையின் ஏற்பாட்டை

உடைக்கும் உரு குலைக்கும் 

அதிகாரம் இல்லை 

எவருக்கும்!

அவர் இவர் 

என்ற பேதம் 

இசம் 

தேசம்

சமயம்

மதம் இதில்

நேயம் அற்றதே !

பிறர் இறப்பில் 

களி கொள்வது

வாய் மெல்வது 

விலங்கு ஒப்பா செயல்!

" ஓயா ம அடிப்பானா ம்"

 " ஓர் ரூ பா கொடுப்பானாம் ஓயாம அடிப்பானாம்"

அம்மா சில சந்தர்ப்பங்களில் உதிர்க்கும் சொற்றொடர். அவரது அகராதியில் வந்து விழும் பல மொழிகள், அவை பழமொழியா? மரபுச் சொல்லா? அப்போது புரியாது.

குடும்ப பாரத்தை சுமக்கும் அவளுக்கு,  போதாமை, துயரத்தின் வெளிப்பாடாக அப்பாவிடம் குமுறும் போதும், வார சம்பளத்தை சரிவர செலவுக்கு தராத நல்லுவன்( நடுப் பிள்ளை)ஆகியோரிடையே மல்லுக் கட்டும் போதும் இந்த சொலவடை இயல்பாய் வந்து  விழும்.

ஓரிரு சமயங்களில் இதற்குரிய அர்த்தத்தை கேட்கும்போது  கோபக் குறி தளர்ந்து. " அதுவா,  அது ஒண்ணும் அசிங்கமான வார்த்தைகள் இல்லயப்பா" என்று ஆரம்பித்து, கிராமத்தில் சாவு சேதி சொல்லும் பறை சாற்றி க் கு ,  ஊர் சொல்ல, சாவு விழுந்த பொழுதிலிருந்து, சவ அடக்கம் செய்யும் வரையிலும் வாங்கிடும் உழைப்பிற்கு ஏற்ற கூ லி தராமல், எட்டும் எட்டாமல் கொடுக்கும் பணம் குறித்த , பழமொழியே என்று விளக்கி டுவார்.

எனக்கு, தாய் மொழி அகராதியை திறந்து வைத்தவர்  " அம்மா மொழி" ,அத்தியாயத்தை ஆரம்பித்து சிந்திக்க வைத்தவர் என்று கூறினால் அது மிகையாகாது.

தொண்ணூறு ஆண்டுகளில் பயணிக்கும் அவளிடம் நமது மொழியின் மரபுச் சொற்கள், சிறந்த சொல்லாடல்கள் யாவும் அருகி வரும் மரபுச் செல்வங்களே!

ஏங்கிடு....

 அவர் நிலைதான்

 உம் நிலையும்

இவர் நிலையும்

முதுமையில்

கவனிப்பார் அற்ற

தனியனாய் 

இல்லம் பெரிதாயினும்

உள்ளம்  கடுகு அளவே 

தள்ளாடும் பருவம்

தளர்ச்சி அடைந்த உருவம்

பல வேளை பங்கிட்ட நீ

ஒரு வேளை உணவுக்கு 

ஏக்கம்

இமைகள்   வீங்கி

ஏங்கிடும் தூக்கம்

சொல்

 சொல் 

அதன்படி நில்

 செல்

அதன் அடி  சொல் 

அடி மேல் அடி

செயல்

ஆழ்ந்து அறிந்து

முயல் 

அனுபவத்தின்

இயல்

நாசம்

 யானையைப் பிடித்த மதம்

யாரைப் பிடித்தாலும் ......

இதுவென....

 இங்கிருந்தால் அங்கிருக்கும்

அங்கிருந்தால் இங்கிருக்கும்

எங்கிருந்தாலும் 

ஏ க்கம்

 கூ டியிருக்கும்

தூக்கம் தொலைந்து 

இருக்கும்

துன்பம் சூழ்ந்திருக்கும்

இன்பம் இடையிடையே

மின்னல் போல் 

சன்னல் திறக்கும்

இன்னல் இருள் போக்கும்

இயல் வாழ்க்கை 

இதுவென காட்டும்.

இல்லை

 தெரிந்தும் பலன் இல்லை

தெரியாமல் முடிவு இல்லை 

அறிந்தும் அறிவில்லை

அறியாமல் ஆவதில்லை

உணர்ந்தும்  உயரவில்லை

உணர்ச்சியில் புரியவில்லை 

ஏமாந்தும் புரியவில்லை 

ஏ ன் என்று விளங்கவில்லை 

பகையும் வெளியில் இல்லை

புகையும் நெருப்பும் வேறில்லை

தெரியாமல் விளைவு இல்லை 

தெரிவதும் தொலைவில்  இல்லை 

என்னை புரிந்து கொள்

உன்னை புரிந்து கொள் 

உள்ளதை புரிந்து கொள்

உண்மையை புரிந்து கொள்

இருப்பதை ஏற்று

இருப்பை வைத்து

பொறுப்பை சுமத்தி

குடும்பம்

 தனி மனித சுதந்திரம்,  ஒரு கோணத்தில் பார்த்தால் ,குடும்ப அளவிலேயே முதலில் அடி வாங்குகிறது, கட்டுப் படுத்தப் படுகிறது என்று கூறலாம்.

இதை செய்யாதே, அதை செய்யாதே; இங்கு செல்லாதே,; அங்கு செல்லாதே. நாங்கள் விரும்புவதை  நிறைவேற்று என்று குழந்தைப் பருவம்  முதல் ,குமரப் பருவம் வரை திணிக்கப்படும்  நெருக்கடி. திருமண வாழ்க்கையை தீர்மானிப்பது  என நீண்டு இந்தப் பட்டியலில் சேரும் கூடுதல் அம்சம். 

கூட்டுக் குடும்பத்தில்  , பிரதமர் போல சர்வ வல்லமை அதிகாரம் செலுத்தும் தந்தை, எதையும் செயல் படுத்த,முடிவு செய்ய முடியும். குழந்தைகள் உரிமை, பெண்ணுரிமை இவையாவும், , இழந்து விட்டதைப் பிடிக்கும் , சலுகை வேண்டும் முயற்சியே ஆகும்.

  அரசாங்கம் நிபந்தனைகள் போடுவது ஒரு புறம் இருக்க, . குடும்ப உறவின் உளவியல் என்பதே விருப்பத்தை இழப்பது, விட்டுக் கொடுப்பது என்னும் அடித்தளத்தை ஆதாரமாக கொண்டு. அதை மதிப்பீடாக தொகுத்து நிலை நிறுத்தி விட்டது.

இதில் பல எதிர்ப்புக் குரல் சனநாயகம் வேண்டி,குடும்ப அமைப்பிற்குள் பன்னெடுங்காலமாக, தொடர்ச்சியாக ஒலித்துக் கொண்டே இருப்பதைஅறிந்து கொள்ள முடிகிறது.

ஒரு கட்டத்தில் அவை கலகக் குரலாக, அதிகாரத்தை எதிர்க்கும் சக்தி யாக,               ஒடு க்கப்பட வேண்டிய, கட்டுக்குள் வைக்க வேண்டியதாக இனம் காணப்படுகிறது.

விதிமுறைகள், ஒழுங்கு இயக்க முறைமை குடும்ப  நிர்வாகத்தில் பொதுவாக கையாளப்படும் என்றாலும், நுட்பமாக அதிகாரம் செலுத்தும் முறை சனநாயக த் தன்மையில் இருந்து விலகி, ஆளுமை அதிகாரம் செலுத்தும் ஏற்பாடாக விளங்கி வருகிறது.

ஒரு வேளை ஆட்சி செய்யும் அரசாங்கத்தின்

நுண்ணியல் கூறாக குடும்ப அமைப்பை புரிந்து கொள்ள முடிகிறது .

ஆடும்

"நீ!  ரொம்ப கெட்டு விட்டாய்"

 விழும் சவுக்கு 

சண்டி குழந்தைக்கு

ஒண்டிக் குழந்தையை 

உயர்த்திய வாய் 

ஒய்யாரமாய் குலவிய 

வாய்

கண்டிப்பில் 

களம் ஆடும்

கலங்கி நிற்கும்

பாட்டி  மனம்

பிடி

 குரங்கு பிடி என்பார்

குழந்தை பிடி 

எப்படி?

விரல் சப்பும் பருவம்

பிடிக்குள் நம் விரல்

அவர் துணி யாவும்

குழவியிடம் 

பிந்தும் 

மந்தி 

விக்கும்

 பேச தெரிந்தவன் நீ !

பேசாமல் இரு

கூசாமல் சேரும் 

குறை

பேசுவது பிழையே

சில  நேர்வில் 

படும் பொருள்

உடன்பாட்டில் ஏற்பு

ஈர்ப்பு

முரண்பாட்டில்

முட்டல்.  

முனகல் 

பொத்திய வாயாக

கத்திய வாய்.

கதவடைக்கும் 

கலங்கி விக்கும்

ஊடும் ,உறவும்  

பாவும் ,கரவும் 

தறியாடும்

வாழ்க்கை நெசவில் 

கணக்கன்

 கணக்கில் சுழி

கல்வியில் கழி

தே றா  மொழி 

பிறன் பயன் 

கொள்வதில்

  கொழி 

 

செர்ரி

 இலைகள்

இழந்து

சருகும் சுள்ளி

காய்ந்து உலர்

கிளை

கொத்தும், கொம்புமாக

உடைத்தால் 

ஒடியும் நிலை

பரிதாபமாய்

நவம்பர் குளிரில் 

தாக்கு பிடித்து

சில மாதங்களில்

முதிர் அரு ம்பாய் 

கிளைகள் தோறும் 

முளைத்து

கிளைத்து 

வெண் பூக்கள்

பூத்து குலுங்க

தேனீ க்கள் 

குடும்பம்

குடும்பமாய்

கும்மாளம் போட 

தளிர் இலை கள் 

அங்கொன்றும் இங்கொன்றுமாய் 

தலையெடுக்க

பருத்தி ஆடை போர்த்திய 

மரம் 

வெடித்து சிதறாமல்

வெம்பி உதிராமல் 

வெண் புறா சிறகு

இழைகள்   கழன்று

சுழன்று புல் தரையில்

பொருந்திடும் 

அரத் த வண்ண 

பழங்களின் வரவின் 

முன்னோட்ட காய்கள் 

இலைகளுடன்

கொத்து கொத்தாய்

சத்தான , முத்தான 

பழங்களின் வரவை 

உறுதி செய்து 

புறாக்கள் கொரித்திட 

கரு நிற

 நீள் வால் குருவி

மஞ்சள் அலகில் 

சிட்டுக்கள் போட்டியில்

விருந்தாகும்

செர்ரி 

முடியவில்லை

 எதையும் கூற முடியவில்லை 

ஏ ன்  என்று கேட்கவும் இயலவில்லை 

எங்கள் சூழல் இதுவே 

உங்கள் இருப்பும் அதுவே

கண்கள் பார்த்தும்

கருத்து இருந்தும்

வாய்கள் திறக்க தோ தில்லை 

வாய்ப்பும் 

வசம் சேர்வதில்லை

பார்க்கும் போது ஒன்று

பார்க்காத போது ஒன்று 

கேட்கும்போது ஒன்று 

கேளாத போது ஒன்று 

வாய்க்கும் மெய்க்கும் 

தொடர்பில்லை

வசதிக்கும் அசதிக்கும்

தொடர்பில்லை 

பதில் அளிக்குமா?

 புதை குழிகள் 

புகட்டும் 

வதை மொழிகள்

பொல்லாங்கு இழைத்திடும்

ஆயுத பலம் 

தன்னுரிமை காத்திட 

தன்னகம் காத்திட 

எதிர் குரல்

எழுப்பியவர் 

எவராயினும் 

சித்தரிக்க இயலா 

சித்ரவதை யில் 

நொடி பொழுதில் 

உயிர் இழந்து 

குப்பைகள் திணிக்கும்

பைக்குள் 

குழிக்குள் இறக்கிய 

பயங்கரம் 

எந்த வாதம்?

என்ன இசம் ?

பதில் அளிக்குமா ?

பன்னாட்டு சபைகள்

பவனி வரும்

 சகிப்பு இழந்த மனிதம்

சதிராடும் தினம்           

நேயம்  மறந்த தேயம் 

வீட்டில் சிக்கல் 

விலகி நிற்கும்

அண்டை இல்ல

சிக்கல் ஆர்வம் 

தூக்கும் 

காகித விற்பனை  போன்ற 

ஆயுத விற்பனை 

காயலாங்கடை வியாபாரம்

பங்குச் சந்தை பல் இளிக்கும் 

பல்லாயிரம் கோடி குவிக்கும்

கிழக்கென்ன , மேற்கென்ன 

தனி மனித வன் மம் 

தாராள மயம் 

நர வேட்டையாடும்

வே ட்டகம் தூக்கி 

வெட்டியான் வேலை பார்க்கும் 

இரட்டை நாக்கு தலைமை 

எங்கெங்கு காணினும் 

சனநாயக  குல்லாய் அணிந்து

தேசியம், வாதம், பெரும்பான்மை

அரிதாரம் தரித்து 

உள்ளூர் அரங்கம் 

உலக அரங்கம் யாவிலும்

உரத்த குரல் எழுப்பும் 

நலிந்தவர், நாடற்றவர்

செல்வம் யாவும் சுரண்டும்

ஆதிக்க அதிகாரம்

பல பரிமாணங்களில்

மி டுக்காய் 

பவனி வரும்

சதம் இல்லை

 'எதுவும் சதம் இல்லை.' 

சலிப்பில் அம்மா சில வேளைகளில் உதிர்க்கும் வார்த்தைகள். யாரும் உதவி இல்லை, ஒத்தாசை இல்லை, அனுசரணை இல்லை என்ற அர்த்த தளத்தில், நான் புரிந்து கொண்டது.

அவர் அகராதியில் எண்ணற்ற சொல்லாடல்கள். அதிக படிப்பறிவு இல்லை. கையெழுத்து போடும் வரை அவருக்கு கல்வியறிவு.மற்றபடி, வாசிக்க அவருக்கு வாய்ப்பு இல்லை. அவரது வாசிப்பு யாவும், ஆய கலைகள் அறுபத்து நான்கில், முக்கியமான அறு சுவை அளிக்கும் சமையற்கலை எனில் அது மிகையன்று.

விருந்தோம்பல் முதல் இடம் பிடிக்கும் . விழுந்தடித்து, இருக்கிறதோ இல்லையோ எதையோ துரப்பி  அரை நூற்றாண்டுக்கு மேலாக , சமாளித்த குடும்ப மேலாண்மை, MBA க்கு சமம்.

அம்மிக் கல்லும், ஆட்டுக் கல்லும், அரிவாள் மனையும், விறகு அடுப்பும், ஊதாங்குழலும் இன்னும் அவள் கைபட்டு மேன் மை அடைந்த பழைய நாள்களை அசைபோடும். ஓரங் கட்டப்பட்ட, தொல் பொருள் வரிசையில் சேர்ந்த இவை அவளின் இணை பிரியா ஒட்டு, உறவு என்று தான் நினைக் க தோன்றும்.

அறுபதை தாண்டிய வாழ்க்கையில் அசை போடும், பண்டைய நிகழ்வுகள், பசியா ற் றும் பதார்த்தம், பண்பு உணர் யதார்த்தம்.

முடிந்ததா?

 வெட்டிய மின்னல்

கொட்டிய மழை

 பா ளை நிலம்

 பயம் கொள்ளும் 

பெருக்கெடுத்த ஆறு 

பெரு நிலத்தில் ஊறு!

கட்டிய கடை 

முட்டிய விடை

முடிந்ததா கதை?

முடிவில்லா வதை 

புவி வெப்ப நாசம் 

இழப்பை 

ஈடு செய்யும் 

இயற்கை ! 

புரிந்து கொண்டோமா ?

பொல்லாங்கு 

இழை மனிதம் 

பொருள் வெறியில் 

போட்டி நெறியில்

ஐம் பூதங்களை 

அச்சுறுத்தும்

பெரு வணிகம் 

சுயம்

 குரங்கு   மன ம் 

சிரங்கு குணம் 

தேயுது தினம்

தேடுது சுயம் 

நான்

 'எதுவும் நிரந்தரம் இல்லை

என்றார் ' ,ஒருவர்

'நிரந்தரம் என்பதும்

நிரந்தரம் இல்லை'

என்றேன்,

நான் 

தாளி

 மூக்கைத் துளைக்கும்

தாளி ப்பு

முணகல் போக்கும் 

தாளிப்பு

அடைப்பை நீக்கும்

தாளிப் பு

சமயலறை சுவாசிப்பு

போச்சு

கடு கடு முகம்

கனி வுடன் முரண்

சிடு சிடு முகம் 

சினத்துடன் அரண்

வெடு வெ டு பேச்சு

வெல வெலப்பு மூச்சு

வேண்டியது போச்சு

சகிப்பு

 சகிப்பு த் தன்மை அறிந்த நாம், அதன் வழி செல்வதில் தடுமாற்றங்கள் பல. எளிதில் விலகுவது, நியாயம் கற்பிப்பது அதிகம். சற்று நிதானித்து நின்று யோ சித்தால் அதன் அர்த்தம், மதிப்பு விளங்கிடும்..

குடும்பம் தொடங்கி, சமூக வாழ்க்கை வரை ஒரு நெடிய போராட்டம் ஊடே நகர வேண்டிய அவசியம் இந்த உணர்வு மனிதர்களிடையே நிலைப்பதற்கு, அதன் படி அவர்கள் வாழ்க்கையில் நடப்பதற்கு அத்தியாவசியம்.சமூக நல்லிணக்கத்தை சாதிக்கும் அருங் கருவி சகிப்புத் தன்மை ஆகும்.

பொறை யுடமை குறித்து வள்ளுவம் பகர்வதும் இது குறித்து தான்.மனப்பாடம் அளவில் தேர்வோடு நின்று போன விழுமியங்களில் இதுவும் ஒன்றாகும்.

உலக அரசியல் களத்தில் கூட இது, அருகி வரும் பண்பாக நிலவுகிறது. கள முனைகள் அரங்கேறி, வளங்களை அழித்து ,உயிர்களை இலட்சக்கணக்கில் கொள்ளை கொள்ளும் அளவிற்கு கடுமையான  போக்கிற்கு விரைவாக செல்கிறது.

நியாயம் கற்பிக்கும் பாடங்கள் பல சாதி, சமய, மத, பொருளியல் கோணங்களில், பல உலக மன்றங்களில் வைக்கப்படுகின்றன.

இல்லை!

 எட்டி இருந்தேன்

எட்டி இல்லை

சுட்டி இருந்தேன்

சூ து இல்லை

கட்டி இருந்தேன்

கவடு இல்லை

முட்டி இருந்தேன்

மூ டம் இல்லை 

வெட்டி இருந்தேன்

வெறுப்பு இல்லை