அகக் கூடு

 ஓடு, ஓடு

உறவைத் தேடு

ஓடு, ஓடு

உரிமை நாடு

பீடு, பீடு 

பிற பெருமைக் கேடு

மூடு, மூடு 

மூடத்தனம் பேடு 

நாடு, நாடு 

நன்னெறி கோடு

வீடு, வீடு 

விண்ணவர் மேடு

கேடு, கேடு

கண்டிலர்

 அகக் கூடு

கள முனை

 உள் நோக்க ஊர்வலம் 

உலா வரும் தலைகள் 

உண்மை பிரச்சினை 

என்று அணு க 

பின் வாங்கிச் செல்வார்

காரணம் பல கூறி 

கழன்று விடுவார்

கழனி சேர்ப்பார் 

பழனி உயரத்தில் 

கொள்கை க் குன்றம்

தாண்டி

நிறைந்த உண்டி 

வண்டிகள் அணி வகுப்பில்

வகை வகையாய் 

வள மனை 

கள முனை கண்டவர்!

சுற்றுலா உணவு

 ஓராயிரம் உணவுக் கடைகள்

ஒளி உமிழ் விளக்கொளியில்

ஒய்யாரமாய் வியாபாரம்

உள்ளேயும் வெளியேயும் 

மிளகாய் பொடி நெடியில் 

எண்ணெய் வாசத்தில் 

  பொரிப்பதும்

வறுப் பதும்

பையில் அடைத்து 

தட்டில் இட்டு 

இர ப்பைக்கு இலக்கு வைக்கும்

இழப்பிற்கு உலை வைக்கும்

நலம் நசிந்து உல்லாசம்

பயணிகள்  ஊர்   தாண்டி

காசு கொடுத்து சூன்யம்

கூறு போடு

 கொள்ளை அடி

கொழிக்கும் பணத்தை

வெள்ளை அடி

கருப்பு என்ன?

 வெள்ளை என்ன?

ஏன் இந்த வேறுபாடு?

ஏக்கம் தீர 

கூறு போடு 

ஒலி

 ஓயாத ஒலி

ஓங்கி ஒலிக்கும்

சுற்றிலும்

விசை திருகி

இசை கேட்பார்

பறை கிழிய 

குறை சேர்ப்பார்

நிசப்தம் அறியா

ஆன்மிகம்

ஆரவார காட்சி

அரங்கேறும் மாட்சி

தெருவெங்கும்

ஆடியின் கொடியில் 

எல்லை

 முடிவு செய்யாதே

முண கி  நிற்காதே

அவனே பரவாயில்லை

இவனோ அவனின்

 எல்லை 

இல்லை 

தொல்லை 

தொடரில்

நிர்ணயம்

சார்பின் 

எல்லை 

உணர்ந்தே!

 விளை ந்தது

 என்னால்

விழைவில்லை

செருக்கில்

உழைத்தே ன் 

களித் தேன் 

உழைப்பில்

நாளும் 

 திளை த்தேன் 

திண்ணம்

ஒருங் கி ணை ப்பில்

உணர்ந்தே!

ஓடம்

  விலகிய உறவு

வீங்கிய கனவு 

தேங்கிய எண்ணம் 

தேடிய வண்ணம் 

தாங்கிய பழக்கம்

தடுமாறிய முழக்கம் 

தன்னாலே

 வெளிச்சம்

ஒதுக்கிய நட்பு 

ஓ ங்கிய உணர்வு 

மாறிய வேடம்

 ஏ றிய ஓடம் 

நுகர்வோர்....

 எப்படியும் வியாபாரம் 

இப்படியும் அப்படியும் 

தப்படியும் தம்பிடி யும் 

தனி அடியில் 

உரிமைக் கள த்தில் 

நுகர்வோர் பக்கம் 

நூல் பிடிப்பேன் 

நுழைபுலத் தில்

தேவை

 தேவை என்றால் 

அழைப்பாய் 

செழிப்பாய் 

தேவை நின்றால்

இளிப்பாய்

களிப்பாய்

சேவை என்று 

ஒலிப்பாய் 

ஒளிப்பாய் 

சொல்லாதே

 நிறைய சொல்லாதே

நிறைவாக சொல்லு

குறையை சொல்லாதே

குறைவாக சொல்லு

நெடுக்க செல்லாதே

சுருக்க செல்லு 

உலகியல்

 உன்னைப் போல் நானும்

ஒரு நாள் 

உருமாற்றம் கொள்வேன்

அந்நாள்

இந்நாள் போல் 

உன் இருத் தலில்

உண்மை உணர்த்தும்

உலகியல் 

நிற்கிறாய்

 சொல்லிக் கொண்டே

 இருக்கிறாய்

சோதனையில் 

நிற்கிறாய்

சாதனை மனிதர் தான்

வேதனை

 சேர்க் கிறாய் 

வெற்று உறுதி

கோர்க்கிறாய்

போகுமா?

 நிலவரம் மோசமாயின்

கலவரம் 

கையில் எடு

அரசியல் இருப்பை 

உறுதி செய்ய

கலவரம்

உமக்கு 

கை கண்ட

 ஆயுதம்

கண் கண்ட

 தெய்வம்

கடந்த கால 

வரலாறு

கை கொடுக்காமல் 

போகுமா?