அடி

 

எழுது,எழுது

எழுத, எழுத நீங்கும் 

பழுது 

படி, படி

படியாய் படி

படிப்படி விலகும்

மடி 

முதுமையில் காதலர்

 (Lovers in old age, கவிதை, 

காலின் அயன் செப்ரி , 

மொழியாக்கம்)

முதுமை ,  உணர்ச்சி ஓட்டம் குறைக்கும்

குருதி சூடாவதில்லை

நினைவும், கனவும் ஏங்கி  காத்திருக்கும் பொழுது 

அம்மண உடல்கள் ஒன்றாய் இணை பொற்காலம் அவை

அன்பு, முத்தம், தழுவல், உணர்ச்சி, எழுச்சி , விருந்தில் புலப்படும் பொழுது

பருவ நிலை இன்பங்கள் பகிர்ந்து உம்மோடு ,

என் அன்பே!

காலங்கள்  விஞ்சவில்லை ,உணர்ச்சி ஆளுமை நாட்களில்

காதல் செய்தோம், சமயம் நேரும் போதெல்லாம், தனிமையில்

ஒன்றிணைய தேவையற்ற இப்பொழுது, குருதி பந்தய விசையில் இல்லை

இரவு வணக்கம் முத்தத்துடன் முடியும், விருப்ப வெளிப்பாட்டுடன்

இரவின் அமைதியில் துயில்வோம்

காலை விழிப்பில் முத்தத்துடன் மீண்டு.

அது !

 

படிப்பது, நடிப்பது 

நடிப்பது, படிப்பது

துடிப்பது, துவல்வது 

முடிப்பது, முயல்வது

வெடிப்பது, வெம்புவது 

தொடுப்பது, தோற்பது

கொடுப்பது, எடுப்பது

எடுப்பது, ஏற்பது

விடுப்பது, வீழ்வது 

காமமும், ஞானமும்

(முனைவர்.அந்தோணி தியோடர்.

மொழி பெயர்ப்பு கவிதை.)

பாலியல் அம்ச இ யங்கா நிலை 

என்றாகிலும்  சிந்தித்தது உண்டா?

 நீ

பாலியல் காதல் 

ஆன்மிக புலம்,

விந்தை வசீகரம்

  புத்தொளி

அளி

 ஆய்வு செய்

ஈடு உண்டா?

 

மருந்து உற்பத்தி

மனசாட்சி விற்பனை

இருமல் மருந்து 

பிஞ்சுகளின்

இறுதி மருந்தானேதே!

 மத்திய பகுதியில் 

இராசசுத்தானில் 

அறம் பிறழ் வணிகம்

பொருள் குவி வேகம்

ஆய்வு எங்கே?

சாய்ந்ததா?

தரம், கட்டுப்பாடு 

சமரசம் ஆனதா?

உயிர் இழப்பிற்கு

ஈடு 

உண்டா?

இன்றிரவு உறங்கும் அனைவருக்கும்

 (விக்ரம் சேத் கவிதை , "All you who sleep tonight", மொழி பெயர்ப்பு)

நீங்கள் அனைவரும் உ றங்குங்கள்

விரும்பியவரை விட்டு விலகி வெகு தொலைவில்

இடது பக்கமோ , வலது பக்கமோ யாரும் இல்லை 

வெறுமை மேலே

நீங்கள் யாரும் தனியாக இல்லை அறிவீர்

முழு உலகும் உமது கண்ணீரில் பங்கு கொள்ளும்

சிலர் இரண்டு இரவுகள் ,அன்றி ஓர் இரவு 

சிலர் அவர்கள் காலம் முழுவதும் 

வாழும் நரகம்

 ( டோர் சே பேக்கர்,  Living Hell,  மொழி பெயர்ப்பு)

உலகம்

 ஒரு கொடுங் கனவு ஆயின்

அது 

ஒரு வாழும் நரகம் ஆகும் 

உலகம் 

கொடுங் கனவு ஆயின் 

உனக்கு 

நன்கு விளங்கும்

அது ஒரு நரகம் 

உம் முகத்தின் 

மீது தவழும் 

நகையாகும் 

எவர்க்கும்

 

வகுப்பும் வாதமும்

தொகுப்பு வேதமும்

தொடர் பேதமும்

வளர்ந்தான் இல்லை

வளைந்தான் இல்லை

உணர்ந்தான் இல்லை

உயர்ந்தான் இல்லை

உள் அளவில்

உள் உணர்வில்

சேர்ந்தான் இல்லை

வாழ்ந்தான் இல்லை

பிரிப்பது இயற்கை இல்லை 

சேர்ப்பதே இயற்கை

பிரிப்பது பிளப்பது

ஒழிப்பது உடைப்பது

வெளியில் இல்லை 

ஒளியே எல்லை 

உணர்ந்தால் இல்லை

எவர்க்கும் தொல்லை

புலம்பல்

 (வில்லியம் என்றி துருமாண்டு 

"A Lament "ன் மொழி பெயர்ப்பு.)

எம் சிந்தனைகள் தேக்கும்

 தார்மீக போராட்டம்

நானும் வாழ்க்கை வெறுப்பிலே

புலம்பல் , அழுகையில்

ஆன்ம அமைதி அடைந்திட

முடியாட்சி புரியும் அந்த இளவரசனை அடிக்கடி அழை:

ஆயினும் அவன், கடுகடுப்புடன் இளிக்கும்

அரசன்,

 இழி ஏளனம், எதிர்பாரா வரம் உடையவன்

கல்லறையில் கிளைத்துள்ள ரோசாக்கள்

அலங்கரிப்பில் அழகாய் தாமதித்து 

மீளும்  களை பயிர் செய்ய வெறுப்பு 

உப்பிசம்

 

விழுமியங்களைத் தேடும் விழுது

விலகிய வெளிச்சம் இருண் மை கவியும்

இன்னதென்று விளங்கா இன்னல் சேரும்

சன்னல் கதவு மூடினாலும்  இண்டு இடுக்கின் வழி

சடக்கென பாயும் சந்தடி சேர்க்கும்

சொல்லில் நிற்பார் தொகை குறையும்

மணல் வீடு கதை சேர்க்கும்

ஓடோடி வந்தார் உதவி செய்தார்

பதவி காத்தார் பக்குவமாய் பல

பொருள் சேர்த்தார் உதவி ஏற்றார் 

  உதறி ஓய்ந்தார் திருப்பம் காணா

வாங்கியபோது வளைந்தார்

நெளிந்தார் சாங்கியம் போல்

வீங்கினார் விடைபெற்றார்

செய்நன்றி மறந்து செப்பமாய்

அப்பமாய் உயர்ந்தார்

உப்பிச உணர்வில் கரைந்தார்

கன்று

 இன்று விடியல் நிலைக்குமா

நீயா? நானா?

முதிர்ந்தவர் தானே முன்னுரிமை

வாழ்வில்,  இழ வில்

குலுங்கிடும்  குலை ,சிலையாய்

தனியாள் துணையும்

தவறாமல்

சந்ததி உருவாக்கிச் செல்கிறோம்

சலிப்பின்றி சகடையில் 

இம்முறை பகடையில் 

கன்றுகள் இலக்கில்

ஆயுத அகரத்தின்  அரிவாள்

ஆட்டம் 

அணி , அணியாய் வீழும் 

உறவின்  குழவி

கண்ணீரில் கழன்று

கடைகளில் காட்சியாய்

உயிரிழந்து ஊஞ்சலில்

கொண்டாட்டத்தில் 

பூசையில் , பொல்லாத 

சடங்கில் 

அடங்கா மனிதம் ........

இறப்பு

 

(பில் நாட்  ஆங்கிலத்தில்.

மொழியாக்கம்)

உறக்கத்தில் ஆழ்ந்திடும் பொழுது 

 மார்பில்

 குறுக்காக வைப்பேன்  எம் கைகளை

 இப்படியே வைப்பர் 

எம் கைகளை

என்னுள்ளே பறந்து செல்வது போல்

 தோன்றும்

வை

 

உற்ற வை கொற்றவை

மற்றவை கெட்டவை 

விட்ட வை பற்ற வை

கற்றவை கலக்கு வை 

 தொட்டவை துலங்குவை 

பட்டவை பார்த்தவை

பாதியில் சேர்ந்தவை

பாதையில் நீங்கிய வை 

அவர்களை மகிழ்விக்கிறேனா நான்?

 (ஏப்ரல் டவுன் கவிதை 

மொழியாக்கம்)

எனது புன்னகை விரிந்த தா?

எனது ஆளுமை உன் மீது 

பதிவு உண்டாக்கு மா ?.

அது நசுக்கப் பட்டாலும்

எனது பிம்பம் கிளர்ச்சியூ ட்டுமா?

அன்றி, இவை ஆய்வின் எதிர்பார்ப்பா?

என்றும் மாறக்கூடியதா

எஞ்சியவரைப் போல்  நடந்திடுவோம்

ஒருவர் முகம் அனைவரின் முகங்களாய் 

சிக்கல்

 

வெளியேறும் விழைவு 

காற்றின் இரைச்சல்

விரைந்தேன்

கதி மோட்சம் இல்லை 

இறங்கியும் இறங்காமல்

உள்ளிழுக்கும், உறுமும்

முக்கல் விசை 

வியர்வையில்

முனகல் இசை

இறங்கி விடுதலை

கெட்டு 

உள்ளிழுத்து

உறங்கும்

இருமுறை முயற்சி 

எட்டிப் போகும்

கெட்டி

சிக்கல்

மாத்திரைகளின்

கொட்டில்

மன்மதன்

 

சுடுகாடு தான் விழுங்கும்

இடுகாடு தான் அடக்கும்

சுடுகாடும் காணவில்லை

இடுகாடும் தென்படவில்லை

இரண்டும் "சாப்பிட்டான்"

 பசி அடங்கவில்லை

மனை மலைகள் 

விழுங்கிடும்

மன்மதன்

இருக்கிறது/ இல்லை

 

(மார்கரெட் அட்வுட்,  Is/Not, கவிதையின் மொழியாக்கம்)

காதல் 

ஒரு தொழில் இல்லை 

நேர்த்தியானதோ இல்லை

 வேறொன்றும் இல்லை 

பாலியல் 

பல் மருத்துவம் இல்லை

வலி , குழி மென்மையாய்

 அடைப்பது போல்

நீ என் மருத்துவன் இல்லை 

நீ என் பிணி நீக்கி இல்லை 

எவருக்கும் இல்லை அவ்வாற்றல்

நீ வெறும் உடன் பயணி

 மருத்துவ அக்கறை விட்டு விடு

இருக்கமுறும் , கவனம் குவிக்கும்

உன் சினம், என் சினம்

உன் இசைவு  , உன் வியப்பு

தேவையில்லை

சட்டப்படி ஆக்கிட அவசியமில்லை

நோய்க்கு எதிரானது அல்ல

உனக்கு எதிரானது

அதை புரிந்து கொள்ள

 அவசியமில்லை

மாறாக துப்புரவு செய்திட அல்லது 

கொதிக்க வைத்திட 

மாறாக நிகழ்காலத்தில்

நின்றிடு 

என்று கூறு,  கூறிடு 

தாக்கு

 

உலை தாக்கு 

மலை தாக்கு 

சிலை தாக்கு

ஊர் போக்கு

உலகின்

 போக்கு

யாவும் 

கொலை தாக்கு

நன்னீர்?

 

எந் நீர் 

உமக்கு ?

குழாய் நீர்

குடி நீர் 

உவர் நீர்

கட்டணம் 

குடி நீருக்கு 

கடல் நீரும் 

கலப்பில் 

காசு ஆகுது 

உடல் நலம் 

உப்பி ல் 

வேகுது 

தண்ணீருக்கே 

தாளம் 

சுத்திகரிப்பில்

சுழன்றிடும்

காலம்

கை காசும்

கழன்றிடும்

கோலம் 

கவலையற்ற 

அதிகாரம் 

கோலோச்சும் 

விட்டார்!

 

தொடங்கியவரே விட்டு விட்டார்

தொடர்ந்தவர்  கெட்டு விட்டார்

முழங்கியவரே முடங்கி விட்டார்

இயங்கியவரே இடிந்து விட்டார்

வளை த்தவரே வளை ந்து விட்டார்

நினைத்தவ ரே நீண்டு விட்டார்

நிலைத்தவரே நின்று விட்டார் 

நுனி உலகம்

 

மிகு காமத்தில்  

நடு சாமத்தில் 

விளை பயிர்

ஊட்டம்

உள் ஊறும்

நாட்டம்

 அகவை கடக்கும்

அறம் பிறழ்

ஆட்டம் நிகழும்

சமூகம்

விரல் நுனி

 தீனி உலகம் 

 தூபம் போடும்

கண்டதை 

 சுவை

கலவை உணவாய்

கனவே

 இரு வேளை 

காட்சியாய்

மாட்சிமை

சமம் இழக்கும்

சந்ததி முடக்கும்

சேதி

 

பழக்கம் மாறுவதில்லை

பாதை  தேய வில்லை 

நெருக்கம் குறைவதில்லை

நேசம் போகவில்லை 

ஆலோசனை 

ஏற்பில்லை

பார்வை சரி

உனக்கு ஒளி

அவர் சரி 

அவருக்கான வழி

ஓராயிரம் 

ஓதி

தெளிந்த தா

 சேதி

உடைப்பு

 உடைப்பின் அரசியல்

அரசியலின் உடைப்பு 

அடைப்பு வெளியில்

அந்தரங்க சதியில் 

ஆடுகளம் அணி திரளும்

காணிகள் காவு கேட்கும்

சாமிகள் 

ஆம்! சாமிகள்

ஆசாமிகள் 

ஆட்டம் பலவிதம் 

நாட்டம் நால்வகை

ஊட்டம் சேர்ப்பு

உயரத்தில் அமர்ந்து

ஊராவது

மண்ணா வது 

உணவு!

 

உள்ளதை சொன்னால்

வலி

உண்மையை சொன்னால்

கிலி

ஊருக்கும், யாருக்கும்

கசக்கும் யாவும்

கலக்கும்

விளக்கும்

உள்ளது நல்லது

உண்மை, நன்மை

என்றோ 

ஏற்றார் இலர்

கண்டதே காட்சி

கொண்டதே கோலம்

உண்டதே உணவு

உலா !

 

"தண்ணிக்கு பஞ்சமில்லை"

என்றைக்கும் 

கொஞ்சமில்லை 

தாராளம்

எம் கொள்கை 

பட்டி , தொட்டியில்

கால் நடைகள் போல்

மேய்ச்சல்

"நிசார்" அணிந்து

சொப்பன வாழ்வில்

உள்ளிழுக்கும் 

புகை வகைகள் 

நெருக்கடி   தாவிளம் 

குவி ஒளி 

குழி ஒலி  இரைச்சலில் 

உரசல் கள் 

ஓயாது பொழுது 

தவிப்பு, களிப்பு 

மயக்கத்தில் 

முயக்கம் 

உலா வளர்ச்சி!

நோஞ்சான்

 

யாத்திரை மறந்த 

மாத்திரை மனிதன்

நித்திரை இழந்த

விழித்திரை கிழிந்த 

வினோதன்

கணினி மணந்த 

காவலன் 

வலை ஒளியில் 

சிக்கிய 

வளை எலி

இனப் பெருக்கம் 

குறைந்த 

நோஞ்சான் 

வலி 

தத்துவம்

 

சீருடை எதிர்ப்பேன்

வண்ண வண்ண ஆடை

ரசிப்பேன் 

பள்ளியிலும் 

கொள்கை எனக்கு

நிகழ்ச்சிகளில் அணிவேன்

அமைப்பின் வண்ண 

ஆடை தவறாமல் 

இது சீருடையன்று!

சிவக்கும் கண்கள்

சீறும் அறம் 

வாழ்க்கை

 விட்டாள் விலகி

தொட்டாள்  அவனை 

தொடர்ந்தாள் ........

பிள்ளைகள் என்றே 

ஓடுகிறாய் ........

பின்னால்

காவலும்  சட்டமும்

அவள் பக்கம் நிற்க

அடித்ததின் பலன்

சாதகமாய்

சாதகம்  தோற்க 

ஒப்பினாள்  கூட் டாய்

என்றவள் .......

சப்பிய  கொட்டையாய் 

ஒட்ட ஓடி 

மேலை நாகரிகம்

மேலோங்க

கீழை ப்  பண்பாடு

தள்ளாட 

இரண்டில் எது ?

மனம் போராட  

மத்திய மனம் 

தடுமாற 

வழக்கை நோக்கிய

 பயணம் 

இல்லை

 

பழக்கம் மாற வில்லை

பழியும் போகவில்லை

புழக்கம் போதவில்லை

புழுக் கம் தீரவில்லை

உறக்கம் குறைவில்லை

கிற க்கம் இறங்கவில்லை

கிளர்ச்சி சேரவில்லை

தளர்ச்சி கூடவில்லை

உளச்சல்  இறங்கவில்லை

உண்மையும் புரியவில்லை 

சீர்

 

" நீங்கள் பரவாயில்லை!

அளவோடு பேசறீங்க"

பெருமை சேர்க்கிறாய் !

கேட்கும்போது இதமாய் 

பதமாய் 

உன் உரையாடலில் 

என் பாதிப்பு அதிகம்

நீ அறிவாய் ! 

செறிவாய் 

தட்டிக் கொடுக்கிறாய் !

தட்டிப் பறிக்கும்

உறவில்

தளர்வு போக்கி 

சீர் செய் இயக்க

பதாகையின்றி 

பக்குவமாய் !