சகிப்பு இழந்த மனிதம்
சதிராடும் தினம்
நேயம் மறந்த தேயம்
வீட்டில் சிக்கல்
விலகி நிற்கும்
அண்டை இல்ல
சிக்கல் ஆர்வம்
தூக்கும்
காகித விற்பனை போன்ற
ஆயுத விற்பனை
காயலாங்கடை வியாபாரம்
பங்குச் சந்தை பல் இளிக்கும்
பல்லாயிரம் கோடி குவிக்கும்
கிழக்கென்ன , மேற்கென்ன
தனி மனித வன் மம்
தாராள மயம்
நர வேட்டையாடும்
வே ட்டகம் தூக்கி
வெட்டியான் வேலை பார்க்கும்
இரட்டை நாக்கு தலைமை
எங்கெங்கு காணினும்
சனநாயக குல்லாய் அணிந்து
தேசியம், வாதம், பெரும்பான்மை
அரிதாரம் தரித்து
உள்ளூர் அரங்கம்
உலக அரங்கம் யாவிலும்
உரத்த குரல் எழுப்பும்
நலிந்தவர், நாடற்றவர்
செல்வம் யாவும் சுரண்டும்
ஆதிக்க அதிகாரம்
பல பரிமாணங்களில்
மி டுக்காய்
பவனி வரும்
No comments:
Post a Comment